影片
更多
2022-07-16
396 瀏覽
在網上見到Cafe Terrace 的相片好吸引，是日便同朋友黎試下，梗係要點打卡度滿分的三層架tea set啦，仲要去花花牆影相～餐廳室內程酒吧風格，室外就園林設計，有唔少打卡位。等左陣tea set已經預備好，幾靚！三層架頭一層係甜品，中間層就鹹點，底層有炸物同沙律。甜點層有馬卡龍、柚子乳酪蛋糕、柑橘芝士蛋糕、奶凍、牛角窩夫同朱古力布朗尼，不過甜很易入口，最有驚喜係馬卡龍，個人偏見一向覺得呢款甜品得個甜字，估唔到呢度做得咁好食，外脆內邊軟綿綿，好香士多啤梨味，一啲都唔膩喎。中間有鱘魚黑魚子煙三文魚他他、血腥瑪莉雞尾酒蝦、巴馬火腿芝士酥餅，鹹香鮮味，仲放埋乾冰做出煙霧效果，真係好睇又好食。底層有芝士棒、芝士焗青口、炸雞塊、炸魷魚鬚同沙律菜，意外地居然係新鮮炸起，熱辣辣脆卜卜，仲可以點埋個蛋黃醬食添。講完三層架，就講下旁邊呢碟調味料，餐牌上話係果醬/辣醬，但黎到係雲呢拿雪糕同海鹽雪糕，中間黃色個碟就係蛋黃醬，仲加左柚子，即刻多左份清新同果香，好味喎。換做雪糕好呀，夏天梗係要食雪糕！飲品就揀左凍玫瑰花茶同熱鮮奶咖啡，前者好香，飲落係玫瑰果嘅酸酸甜甜味。另一杯咖啡亦好出色，咖啡香濃幼滑，唔
餐廳室內程酒吧風格，室外就園林設計，有唔少打卡位。
等左陣tea set已經預備好，幾靚！
三層架頭一層係甜品，中間層就鹹點，底層有炸物同沙律。
甜點層有馬卡龍、柚子乳酪蛋糕、柑橘芝士蛋糕、奶凍、牛角窩夫同朱古力布朗尼，不過甜很易入口，最有驚喜係馬卡龍，個人偏見一向覺得呢款甜品得個甜字，估唔到呢度做得咁好食，外脆內邊軟綿綿，好香士多啤梨味，一啲都唔膩喎。
中間有鱘魚黑魚子煙三文魚他他、血腥瑪莉雞尾酒蝦、巴馬火腿芝士酥餅，鹹香鮮味，仲放埋乾冰做出煙霧效果，真係好睇又好食。
底層有芝士棒、芝士焗青口、炸雞塊、炸魷魚鬚同沙律菜，意外地居然係新鮮炸起，熱辣辣脆卜卜，仲可以點埋個蛋黃醬食添。
講完三層架，就講下旁邊呢碟調味料，餐牌上話係果醬/辣醬，但黎到係雲呢拿雪糕同海鹽雪糕，中間黃色個碟就係蛋黃醬，仲加左柚子，即刻多左份清新同果香，好味喎。換做雪糕好呀，夏天梗係要食雪糕！
飲品就揀左凍玫瑰花茶同熱鮮奶咖啡，前者好香，飲落係玫瑰果嘅酸酸甜甜味。另一杯咖啡亦好出色，咖啡香濃幼滑，唔加糖都無苦澀。
不過今日成35度真係幾熱，雖然室外有風機，我地都係乖乖入返冷氣房到食啦。
除咗適合打卡，個人覺得食物質素好高好好食，而且咁分配幾好，鹹點比甜點多就無咁易膩，睇望細細件，原來食起上黎都好飽肚㗎，大滿足～
張貼
