影片
更多
2024-06-09
44 瀏覽
朋友講起新都會有間新開既甜品舖唔錯，今日黎葵芳行街就黎試下。餐廳係新都會廣場5樓裝修係木系風格，我覺得都幾舒服叫左個掃街小食全餐，成個拼盤好適合打卡😆而且每樣大約兩件到啱曬咩都想試吓既人。魚蛋好大大粒好彈牙，好滿足。山椒鹹蛋黃雞翼，好食，鹹蛋黃醬唔漏/膩，雞翼炸到好脆，放左一陣食，雞翼入面都係juicy麻辣牛筋腩，微辣，牛肉分量多，牛腩唔會過淋食唔到肉感，炆到軟得黎又有少少咬口。加＄18配左蝦頭油撈麵，係有少少梘水味既寬麵，爽口彈牙。個人覺得牛筋腩配呢個麵好食。呢度有好多款唔同既雞蛋仔，有啲味道都幾特別，例如係咖哩紫菜肉鬆、餐肉辣菜脯，我都幾想試，但屋企人好鍾意食榴槤，所以就是試下D24榴槤雞蛋仔。雞蛋仔一上檯，熱辣辣有好大陣榴蓮味，表面少少脆，裡面好軟熟，有小小榴槤餡，每一口都有濃濃既榴槤味，鍾意食榴槤嘅可以一試，但建議一定要趁熱食哂佢。由於朋友好推薦食甜品，所以我叫左個比較特別嘅芝麻糊豆腐湯圓椰皇蛋白原隻椰皇上，芝麻糊黑芝麻味濃但調味唔會太甜，椰皇蛋白椰味重好食，入面仲有兩粒豆腐湯圓，唔係好食到豆腐味但係湯圓過來黑芝麻味超重，用料實在，一開始以為湯圓係比芝麻糊染黑左，點知個皮都係全
餐廳係新都會廣場5樓
裝修係木系風格，我覺得都幾舒服
叫左個掃街小食全餐，成個拼盤好適合打卡😆而且每樣大約兩件到啱曬咩都想試吓既人。
魚蛋好大大粒好彈牙，好滿足。
山椒鹹蛋黃雞翼，好食，鹹蛋黃醬唔漏/膩，雞翼炸到好脆，放左一陣食，雞翼入面都係juicy
麻辣牛筋腩，微辣，牛肉分量多，牛腩唔會過淋食唔到肉感，炆到軟得黎又有少少咬口。
加＄18配左蝦頭油撈麵，係有少少梘水味既寬麵，爽口彈牙。
個人覺得牛筋腩配呢個麵好食。
呢度有好多款唔同既雞蛋仔，有啲味道都幾特別，例如係咖哩紫菜肉鬆、餐肉辣菜脯，我都幾想試，但屋企人好鍾意食榴槤，所以就是試下D24榴槤雞蛋仔。
雞蛋仔一上檯，熱辣辣有好大陣榴蓮味，表面少少脆，裡面好軟熟，有小小榴槤餡，每一口都有濃濃既榴槤味，鍾意食榴槤嘅可以一試，但建議一定要趁熱食哂佢。
由於朋友好推薦食甜品，所以我叫左個比較特別嘅芝麻糊豆腐湯圓椰皇蛋白
原隻椰皇上，芝麻糊黑芝麻味濃但調味唔會太甜，椰皇蛋白椰味重好食，入面仲有兩粒豆腐湯圓，唔係好食到豆腐味但係湯圓過來黑芝麻味超重，用料實在，一開始以為湯圓係比芝麻糊染黑左，點知個皮都係全黑色噶，哈哈
屋企人叫左芋頭西米椰皇蛋白，佢本人就係一個芋頭控，芋頭西米芋頭味好重，上面嘅三色芋圓芋頭或者蕃薯味都出，煮得岩岩好，彈牙之餘軟硬適中，好濃芋頭味，蛋白甜味適中，撈埋椰皇肉食簡直絕配，最後成只連肉食埋
飲品方面，叫左苦瓜香檸茉莉同西瓜香檸梳打。
西瓜香檸蘇打，有西瓜粒，有口感，清爽解渴。
苦瓜香檸茉莉，少見配搭，但出奇地夾，苦瓜既清涼感，檸檬嘅香味同埋少少酸味再加上茉莉花茶嘅味道，三樣味道啱好平衡，苦瓜令到檸檬茶多左一份清涼感，幾特別，推薦一試。
整體黎講，呢間餐廳嘅嘢食都幾好，最中意係佢嘅甜品，如果經過新都會想同朋友慢慢坐低傾吓計，慢慢食港式小食同糖水我會encore 。
張貼
