ROYAL INN

咁我就諗住睇下邊度可以有靚嘅餐廳食下午茶,但又唔好太貴。就搵到呢間係法式情調嘅餐廳。純白色為主題,加上巴黎凱旋嘅浮雕拱門設計,中間仲有好大嘅水晶燈。它位於銅鑼灣,又方便,食完之後去行街。佢有個下午茶餐,喺網上面預先訂購都係308蚊兩個人(再加一,加$39)。我覺得個價錢幾 OK 呀。咁不過,佢淨係包28蚊或以下嘅嘢飲,就冇咩選擇,我就惟有揀咗個凍檸檬茶。特登著得靚靚咁同媽媽下午茶,媽媽好似都幾滿意個環境同食物。本來擔心佢望落去啲嘢食唔係咁多,但食食下又啱啱好。每樣嘢都做得幾精緻,佢分咗三層:低層是海鮮小點心,中間係咸點,最上嗰層甜點。樣樣都有少少可以品嚐, 仲可以打卡影下靚相。