Be Humble

營業中

休息中

見好多朋友IG打卡，超級靚超想試，但係一直未有機會，因為一直都book唔到位。咁啱今次有一個friend原來都係好想去呢間，喺佢嘅堅毅不屈之下終於book到位。入到黎好surprise嘅一樣嘢就係要除鞋，除咗鞋感覺真係好似去咗旅行咁，完全係置身異地，勁有異國風情。我哋三個人，佢安排咗邊邊位俾我哋，私隱度極高，疫情關係，佢每個分隔都有用一塊落地膠片阻格住，防疫之餘又可以隔音。唯獨美中不足嘅係，我哋想移開啲茶几去影相，發現有隻食過嘅叉喺地氈上面，如果改善埋呢一個問題就非常好，100分啦。三個人叫咗三杯嘢飲，諗住打卡用，再叫咗一份小食拼盤同埋一件仔蛋糕。嘢食來講呢就一般嘅，要讚嘅係件蛋糕超好食，入口即溶，好creamy。🤤🤤🤤我同我個friend都實在太鍾意呢間餐廳啦，所以星期五會再去。