Séan Cafe (已結業)

同老公行過尖沙咀經過呢間好似後花園咁嘅餐廳，就即刻忍唔住掹咗佢入去啦！店舖細細但係環境就好靚喇，要打卡影相嘅地方都一樣有齊！其實真係好適合同班姊妹過嚟hi個T先上咗個粟米湯，質地濃郁啖啖都係粟米味首先叫咗個凱撒沙律加煙三文魚，上碟真係靚到不得了，而三文魚嘅份量亦都好足料，最鍾意係佢面嗰啲煙肉碎同埋芝士碎！咁有情調嘅地方點可以唔叫番杯酒呢！主角黎啦，係蜆肉意大利飯！睇個樣都唔使我講都知道佢係有幾濃郁啦！！！我相信餐廳廚師真係好叻煮西餐，因為其實而家係香港食到嘅意大利飯都搵唔到呢個咁嘅質地，同埋毫不留情嘅芝士份量肥多幾磅都抵啦！最後係傳說中必食嘅pancake！我哋揀咗楓糖漿香蕉pancake！楓糖漿真係pancake嘅最佳拍檔呀講到最尾各位嚟到呢度一定要搵個影相叻嘅朋友！喺呢間餐廳，我相信你哋影相都可以影一晚，就好似每一個角落都係為咗影相而設咁！ Bonus嘅係！有環境之餘食物質素都好高！