Missing Link (已結業)

呢間cafe位於銅鑼灣小巷入面，店舖唔止裝修有心思，食物設計上都好盞鬼，因為我同朋友係萬聖節去，所以店員特登將紫菜剪成蝙蝠形狀，好得意🤩🤩講返食物先，我特別推介個croffle與豆腐雪糕&生果，唔係講笑，真係好好食，個croffle係有少少似牛角包質地既酥皮口感，個樣就係好似窩夫咁，再配埋豆腐雪糕，真係想encore！另外都叫左個明太子pasta都唔錯，明太子除左佈滿每條意粉之外，仲會有一大舊系意粉堆頂部，唔會太鹹，都值得一試！不過冇分食物份量都唔多🤣另外一間小小的舖位，內藏大大打卡位！就係一個圓形坐位，坐入去好有feel，文青味道出哂黎！但因為我同朋友顧住食，唔記得左影個圓形坐位比大家睇，大家可以search間舖黎睇下！