哥哥添飯•妹妹泡茶 (已結業)

平日搭車經過創紀之城一期, 見到有間白色既台灣餐廳, 好似幾精緻, 今日終於有機會一試。餐廳裝修簡潔, 以白色為主, 感覺清新。呢度既一份晚餐有小食，配菜，水果同飲品，價錢由88至128。一睇個價錢覺得有d貴, 直到整份晚餐上枱, 就會覺得物有所值! 我地叫左兩份餐。一份係塔香松露台式燒雞配波菜起司薯餅，飲品就叫黑枸杞檸檬胎菊。整份晚餐顏色配搭得好靚，唔使加任何effect已經好上鏡，啱晒影呃like相! 而份量同味道亦有驚喜，配菜同水果都好好味，主菜燒雞好大份，啖啖肉，雞皮燒得卜卜脆! 另外叫左破布子煎封比目魚，配芋圓奶茶 (不加防腐劑)。一碟有兩舊比目魚，煎得好香口，唔錯! 破布子係專誠由台灣運過嚟，第一次聽破布子呢個terms，原來係台灣名物嚟；波菜起司一口薯餅亦炸得好脆，，好足料! 鮮手工制芋圓奶茶由於無加防腐劑，比普通既珍珠奶茶更易入口，而且明顯食得出芋圓係無額外添加糖份。總體來說，值得一試既餐廳。