一鍋堂 (XX Arcade) (已結業)

呢幾日天氣好凍，所以lunch 決定同朋友兩個去打邊爐。今日揀左旺角既一鍋堂，呢家新出左湯底同金寶湯合作，好似幾好味咁，之前係荃灣食過，餐廳食物係任食，食物質素幾好。下午時段有三個餐揀，我地揀左B餐，有好多肉類選擇，尤其個牛脷心托，切得好薄，好易熟，個牛脷牛味濃，肉質柔嫩。紐西蘭羊卷肉羊味濃，但唔會好羶，薄薄地容易入口。封門柳原來係，牛橫隔膜肌肉，每隻牛只有一條，較為罕有。油花較少，肉質鬆軟，牛肉味極為濃郁。呢個幾低食，食次可以任食啦洗就住就住。其他食物既種類亦好多，有竹笙，有花膠，有脆肉皖魚，仲有蜆，全部食物都好新鮮，花膠大大隻，好有膠質，咬落好有口感夠彈牙; 魚同d蜆好有鮮味，呢間餐廳唔會因為任叫而比d質素差的海鮮，值得一贊！係蔬菜櫃到，仲見到有羽衣甘藍，第一次見，即刻試吓，打爐又幾好味，個菜吸左d湯的鮮味，食落去唔會有菜渣，好特別。