影片
更多
2008-07-25
23 瀏覽
興幸能夠參加扒王的試食晚宴因為事前完全冇諗過李德麟先生都會係度加上另外一個試食人員...YAN~* 實在對食太有研究...所以試食期間都冇咩幫到口哈~或者而家再講一講啦~若果YAN~* 係專業級的話我諗我會比較似一個 學生哥的口味 第一道菜係 煎鵝肝老實說...在此之前我係唔LIKE 食鵝肝的因為之前食親都係整得唔好味的但係尼到緊係要盡地一試啦嘩~~鵝肝肥美香口雖則食完隻碟真係油油地但係最緊要係入口果野舒服係大師級的處理下我也許愛上鵝肝了~ 接著來的是羅宋湯 及 忌廉湯當然同時有埋 蒜溶包啦佢地D 湯標榜係冇味精的呀~~飲落真係唔會口渴播~羅宋湯 味道剛好~~不會濃到澀口本人幾喜歡佢D湯渣~煮到好林~~好易入口~~唔會浪費忌廉湯比雖然係用雞湯作底但係可能因為剛飲左D 比較濃的紅湯所以變左好似太淡蒜溶包好脆...但係如果可以落多D 蒜溶會更好 頭盤係扒王沙律即係凱撒沙律之類的唉哎...真係唔咁like....好似係度食生菜咁...係真係 "生" 的菜咁.... 嘩~~尼到扒王的主菜喇我地今日試左五味1) 澳華利牛柳2) 燒美國安格斯肥牛3) 美國極黑豬鞍扒4) 鐵板西施扒5) 美國
因為事前完全冇諗過李德麟先生都會係度
加上另外一個試食人員...YAN~* 實在對食太有研究...
所以試食期間都冇咩幫到口
哈~或者而家再講一講啦~
若果YAN~* 係專業級的話
我諗我會比較似一個 學生哥的口味
第一道菜係 煎鵝肝
老實說...在此之前我係唔LIKE 食鵝肝的
因為之前食親都係整得唔好味的
但係尼到緊係要盡地一試啦
嘩~~鵝肝肥美香口
雖則食完隻碟真係油油地
但係最緊要係入口果野舒服
係大師級的處理下
我也許愛上鵝肝了~
接著來的是羅宋湯 及 忌廉湯
當然同時有埋 蒜溶包啦
佢地D 湯標榜係冇味精的
呀~~飲落真係唔會口渴播~
羅宋湯 味道剛好~~不會濃到澀口
本人幾喜歡佢D湯渣~
煮到好林~~好易入口~~唔會浪費
忌廉湯比雖然係用雞湯作底
但係可能因為剛飲左D 比較濃的紅湯
所以變左好似太淡
蒜溶包好脆...但係如果可以落多D 蒜溶會更好
頭盤係扒王沙律
即係凱撒沙律之類的
唉哎...真係唔咁like....好似係度食生菜咁...
係真係 "生" 的菜咁....
嘩~~尼到扒王的主菜喇
我地今日試左五味
1) 澳華利牛柳
2) 燒美國安格斯肥牛
3) 美國極黑豬鞍扒
4) 鐵板西施扒
5) 美國豬扒
1) 澳華利牛柳
一睇真係流晒口水....
佢塊肉係極厚....觀感一流!
五成熟的牛柳...真係好香~~
入面d唔知話佢係血汁定肉汁喇~~
總之就係透出鮮甜味度law
2) 燒美國安格斯肥牛
呢個係扒王的獨創招牌菜!!
冇錯...佢呢個係選用我地平時尼打邊邊的肥牛做的
一次過食咁大舊肥牛真係第一次...
在評論過d 扒不夠熱的時候
佢呢舊真係熱哄哄!!
原本d 味已經好好~但係如果加埋 d 鹽
更加容易帶出佢的肉味~
3) 美國極黑豬鞍扒
成晚我最鍾意就係呢件
老闆建議九成熟的豬扒...
雖然比較外圍的地方太熟
但係佢近骨的地方真係好得!!
d 骨總係會太出d味道...
就像要告訴你...你係食緊肉咁
啡喱骨!!
4) 鐵板西施扒
老闆強調此扒與之前的不同在於佢係 "yip"過的
所以又確係幾"林"
係鐵板上的
但係唔係自己面前上呢個鐵板個感覺又好似唔同左咁~
5) 美國豬扒
呢個係人地平時用尼做焗豬的果d豬扒...
心諗....都應該係好靭
但係食落....真係喜出望外...
想不到的"林"....當然個質感係冇之前果幾隻果d咁好
但係都絕對係好味呀!!
食完主菜...
係時候食甜品
有香橙班戟
呢個都係好好味~~
食完咁多heavy的野...
呢個加左少少酒的橙香班戟正好解解大家的飽胃~~
很棒的一頓晚餐!!
食完呢一餐飯....
有以下的幾點想提出
希望可以幫到 "扒王"
1) 服務方面
相信扒王其中一個令食客們不滿的是服務方面...
知道各員工係忙...但係扮睇唔到而唔理客人的"舉手求救"
的確係impossible...最起碼都要話俾個客聽...
佢收到...但係等佢做完手上的野再幫佢手...
明白管理係會有困難...但相信這些服務是必需的
就像ruby tuesday 咁...d員工成日換...
但係見佢換極都唔會差得去邊...
我諗扒王都有咁的能力
2) 品質/口味
如果講食材方面....
做開批發商的李生....係呢方面係有一個絕對的優勢
再加上今次試食....發覺扒王的廚藝其實都係一絕的
但係宏觀睇番坊間(包括本人)對扒王的評價
點解會差咁多?
之前試過同屋企人去食
剛巧她們叫的我今次都有食
分別係 鵝肝 澳利華牛柳 美國豬扒
家姐食的鵝肝
據她說...她未試過食過d咁差的鵝肝....
入面係苦的...
二哥的的是七成熟牛柳....
他則說十成熟...又"鞋"又靭...
不能否認各廚師的技術係有高低之分
但係我想重點在於廚師們的心態
監管要更加強硬....
定了出來的程序便一定要各廚房人員遵守
否則同冇枉管係一樣
3) 扒王的定位
老實講...不太明白扒王之王的定位
公司所針對的客人...係邊個階層?
走的路線係高檔路線定係平民路線?
若是高檔...我諗扒王需要先做好上台時的質素才能再提
認真的說...本人覺得扒王之王比較像一間貴價茶餐廳
坐位逼逼的....不是嗎?
若是平民路線的...所要求的又不一樣了
平民們(包括我自己) 要求的好簡單...
六七十元....要求的不是山珍海錯
反而是飽肚及易入口
睇下位於太子的金鳳 又或者深水步的飛鷹
冇錯...佢係用梳打粉搞到d肉冇晒肉味....
佢坐得仲要勁迫...(4人台坐六人)
但係點解都咁受歡迎??
因為d 肉夠大舊
d肉又夠林
d 醬汁同d肉配合得到
就係咁簡單
4) 專業的建議
其實一眾高層們對自己的各扒都好有信心
因為佢地知道每一款扒的好味之處係邊度
極黑豬要幾成熟?
牛柳又要幾成熟?
但係...試問作為一個普通食客
又點會知道當中奧祕?
作為食店主持....
其實好有責任去建議食客們去享用自己最擅長的東西
老實講...唔係呢個試食晚宴...
我都唔會知道 豬都可以九成熟就食
但係點樣先可以達到呢個目標?
做法很簡單, 其一是在menu 上寫明...
簡簡單單的在每一款扒度寫上 "建議熟度"
另一方法則是直接的在客人落單時...
由侍應提出...呢個方法好似好難...
但係其實只要侍應們係友善的
客人也應會接受
5) 神秘顧客
李生及一眾高層相信並不會嘗試到這些坊間的"質素"
因為李生的扒王"龍貌"已經俾人知道...
一去親自己鋪...廚師實會整得好味d
若要真正試下自己的店舖...
相信要由其他員工出馬....
記住係唔可以好似今次試食晚宴咁事自前揚的~~
如果李生真係想試一次...
又或者可以叫其他人幫你叫左先...
到份扒尼左你就即刻衝上去食...
我諗呢個係唯一方法
希望以上的建議可以幫到你
張貼
