香港地

營業中

休息中

有晚得自己食飯，就去左香港地食，叫左個扒据下。等左都唔會太耐就到，個扒都幾大塊一個人食都好抵，佢跟埋餐湯沙律仲有個意粉都係七十幾蚊。個扒幾juicy唔會太硬唔太乾，夠熱，唔會似一早整定。餐湯同餐沙律仲有個意粉擺得好靚，咁既價錢咁既擺位真心不錯，餐湯唔會無味，叫個羅宋湯，裡面都好多菜，唔會得湯無料，係真材實料，沙律菜好新鮮，唔差唔差，至於個意粉，不得不提，因為佢好有誠意咁係肉醬意粉，平時普通餐廳既据扒跟意粉係白灼，但佢係肉醬，所以平時唔會跟意粉既我都即管要試一試。埋單都只係成為72蚊，我覺得好抵，如果你只係想据下扒唔會非常高要求既，呢度都不失為一個好選擇的。