影片
更多
2020-04-15
226 瀏覽
今日一位女閨蜜話帶我去一間好靚嘅 cafe 度打卡，去到先知原來無論餐廳嘅環境同埋食物都咁屈機，完全令人置身夢境一樣，餐廳嘅環境以 pure 好 true 嘅純白色為主，四周充斥手繪嘅壁畫，內容由最呃 like 嘅大片花海、宮廷式嘅女主人睡房以至中世紀歐洲小鎮風景一類打卡位應有盡有，令手瓜爆發咗一顆從未觸及嘅少女心，估唔到一個大男人喺夢幻當中都會不由自主咁樣係咁影影影影，真係始料不及。Tiramisu Coffee，甜度適中，入口係濃濃嘅 Tiramisu 味道，就好似真係食緊一舊 Tiramisu 一樣，及後係少少咖啡同深度朱古力嘅餘韻，果然係餐廳招牌。Set dinner 加38蚊就有餐湯同埋沙律，以跟餐嚟講份量極巨，直逼 A La Carte 嘅份量，餐湯係忌廉磨菇湯，菇味濃郁，食到粒粒嘅磨菇喺入面，餐包係少有嘅 sourdough，沙律夠新鮮本身就已經好食，配上意大利黑醋汁令人更加開胃。香煎美國有骨豬鞍扒伴自家制蘋果汁，一上枱就已經聞到被煎香嘅豬鞍扒嘅香味，豬鞍厚厚嘅肉身充滿嚼勁，散發住淡淡嘅豬味，墊底嘅自家制蘋果蓉同豬鞍係最好嘅朋友，解膩嘅工作做得剛剛好。Hanami (花見
今日一位女閨蜜話帶我去一間好靚嘅 cafe 度打卡，去到先知原來無論餐廳嘅環境同埋食物都咁屈機，完全令人置身夢境一樣，餐廳嘅環境以 pure 好 true 嘅純白色為主，四周充斥手繪嘅壁畫，內容由最呃 like 嘅大片花海、宮廷式嘅女主人睡房以至中世紀歐洲小鎮風景一類打卡位應有盡有，令手瓜爆發咗一顆從未觸及嘅少女心，估唔到一個大男人喺夢幻當中都會不由自主咁樣係咁影影影影，真係始料不及。
Tiramisu Coffee，甜度適中，入口係濃濃嘅 Tiramisu 味道，就好似真係食緊一舊 Tiramisu 一樣，及後係少少咖啡同深度朱古力嘅餘韻，果然係餐廳招牌。
Set dinner 加38蚊就有餐湯同埋沙律，以跟餐嚟講份量極巨，直逼 A La Carte 嘅份量，餐湯係忌廉磨菇湯，菇味濃郁，食到粒粒嘅磨菇喺入面，餐包係少有嘅 sourdough，沙律夠新鮮本身就已經好食，配上意大利黑醋汁令人更加開胃。
香煎美國有骨豬鞍扒伴自家制蘋果汁，一上枱就已經聞到被煎香嘅豬鞍扒嘅香味，豬鞍厚厚嘅肉身充滿嚼勁，散發住淡淡嘅豬味，墊底嘅自家制蘋果蓉同豬鞍係最好嘅朋友，解膩嘅工作做得剛剛好。
Hanami (花見)，嚟到呢個咁呃 like 嘅甜品，實在令人充滿期待，由 Rose Jelly、Almond Crumble 同 Lemon Cheesecake 所構作，整個 presentation 有如玫瑰花水銀瀉地，頂層係蘊藏玫瑰花瓣嘅玫瑰味啫喱，晶瑩剔透，有如寳石一樣；中間嘅 Lemon Cheesecake 酸甜刺激，喚醒味蕾；底層嘅 Almond Crumble 增進口感，三層無論一齊食又或者分開食都相當出色。
張貼
