入到店舖，感覺有點似去咗音樂室，牆壁上掛滿很多黑膠唱片，而且帶少許日式風格，感覺設計與別不同。
看看餐牌先，除了有多款手撕雞撈麵/飯/腸粉、獨家鵝油撈麵外，另有煲仔菜，撈丁、米線等，很不錯。
手撕雞雙拼撈麵 $58
我選了雙拼，依碟是鹽焗手撕雞加腩叉，條條雞肉都去了骨，方便食用，雞肉都幾嫩，肉質爽滑，而腩叉是較肥的叉燒，吃起來不會太乾，有些油脂 ; 另外至於太子鵝油撈麵又是餐廳的招牌菜，充滿油香，粗身麵條更掛滿鵝油，帶鹹鮮味，層次感提升，口感變得豐富一點，加埋爽口嘅雲耳，少少酸辣，好開胃。
秘制醬皇豬手撈麵 $52
鵝油撈麵咁吸引，朋友又話想食，就點咗豬手撈麵。陣陣鵝油飄香入鼻，正因為加左鵝油，食落又香又滑，麵質彈牙，而且條條分明，絕無打結，鵝油亦唔會淨係得鹹味，有帶少少甜味，食落又鹹香十足，而豬手大大件，醬料係自家秘製，炆到好夠淋但又唔會爛晒，超多骨膠原，調味亦啱啱好，醬汁濃到張口，越食越好味，停唔到口，同樣都係配上爽口嘅雲耳。
香茅豬扒蔥油撈丁 $42
依款又是邪惡美食，好大塊的豬扒，肉質好juicy嫩滑，香茅味突出，配合爆香過的蔥油來撈丁，味道會更好，麵條彈牙，鹹香惹味。
香茅雞扒蔥油撈丁 $42
呢度撈丁係用出前一丁炒得好乾身，啱晒我口味，雞扒醃得好香好有香茅味道，食落去好濃郁，雞肉嫩滑，食唔到雪味，再加埋蔥油嘅香，零舍唔同。
餐湯是紅蘿蔔粟米湯，清清甜甜，潤喉解膩。
大家都喜歡凍檸檬茶，茶底清徹，檸檬清新，冰冰涼涼，消膩解渴。
