福禧越南泰國餐廳 (已結業)

今日一個人出左去做野，中午過左黎厚福街搵野食。呢度既餐廳多到一個星期都食唔哂，真係美食集中地。因為今日一個人黎，天氣又熱，所以想濕濕地食碗粉算。最後決定黎呢間福禧泰越美食，食碗手撕雞湯粉。呢間餐廳係厚福街已經好多年，可能因為款式選擇多，平時都要等位入座。中午時間仲誇張。佢呢度有越南食品同泰國美食可以選擇。手撕雞湯河 - 雞肉撕得幼細，亦都好嫩滑，份量都唔少，唯獨湯底比較鹹，食完有d 口渴。招牌菜式有海南雞同無骨豬手，豬頸肉，豬扒同馬拉盞通菜都係佢地推介美食。留返我下次同朋友黎再試過。