街頭巷尾

營業中

休息中

今次搵食搵到嚟筲箕灣東大街唔幫襯人龍店 搵到呢間新開嘅小店支持吓！見乾淨企理 又有串燒又有粉麵仲有甜品一次過買晒返屋企做晚餐啱晒😉望住老闆整 連辣椒粉都自己blend 證明真係全手工製作～❣️紅燒牛肉湯麵個麻辣紅湯真係無敵 夠晒惹味但唔會好咸好油 陽春麵超級掛湯 牛肉份量足 炆到好腍好入味 配埋榨菜更滋味 老闆仲關注大家健康 有兩棵翠綠嘅西蘭花 蔬菜控啱晒❣️杭州小雲吞一口一隻 雲吞皮超薄 入口滑溜包住滿滿嘅豬肉餡 底湯仲有紫菜同蝦皮 係清新嘅口味❣️燒物類🔥燒雞中翼、燒豬頸肉、燒鱔、燒雞扒每樣都即叫即燒 見住老闆雪櫃拎出嚟 保證新鮮而且仲可以揀辣度 豬頸肉薄薄地 口感香脆燒鱔好厚身 魚皮煙煙韌韌脆卜卜 魚肉嫩滑燒雞翼雞皮香口 雞肉位仲保留肉汁每樣調味都恰到好處 唔會死咸❣️擂沙湯丸外層磨到好幼細嘅花生粉 充分包裹住軟糯嘅湯圓皮裏面仲有流沙嘅芝麻餡 大大粒 唔會好甜 超好食