MOO MOO

營業中

休息中

肥雞估唔到位於牛頭角工業區， 竟然有一間售賣美式手工漢堡， 而且價錢亦都唔貴嘅小店。佢嘅漢堡選擇都幾多，肥雞就揀咗鹹蛋雞扒堡， 朋友就揀咗 白菌之堡。 至於小食方面肥雞今次就唔食佢嘅芝士肉醬薯條， 反而想食肥雞一直都食唔到嘅洋蔥圈。 首先講佢嘅漢堡先， 佢塊雞扒醃料真係一流， 香噴噴嘅燒烤料， 配埋煎到冇曬油脂嘅雞皮， 配上鹹香嘅鹹蛋黃醬， 新鮮嘅生菜做中油膩嘅感覺， 呢個漢堡真係好高水準。 至於佢嘅白菌之堡， 佢入面嘅配料有黑松露醬同埋雜菌， 配埋厚厚嘅漢堡， 每一啖都係食肉獸最鍾意嘅。 至於佢嘅洋蔥圈， 係肥雞食個頭三名嘅好食排名，熱辣辣嘅洋蔥配香脆嘅炸漿， 點埋蕃茄醬， 口感唔畀薯條差。