南京金陵湯包 (已結業)

今日約咗人喺附近開會，搵間可以坐得耐啲嘅食店, 大家肚餓可以食飯食麵食包，揀呢間最好。以為有圓枱，最終六人方枱，ok啦。叫咗個排骨擔擔麵(小辣)，酸辣湯麵，麻辣雞丁菜飯，欖菜炒飯......擔擔麵個汁最好吃，麻醬花生碎都非常足夠 ，塊豬扒亦夠大，炸得香口。酸辣湯麵只係得個辣字，有冬菇、豆腐乾絲，可以嘅話多一些豬紅碎或蛋絲會更理想。個雞丁炒得好香，辣辣地，味道偏濃，送飯啱啱好。每個主食都可以配一杯飲品，經濟實惠。傾好曬開完會好想食甜品, 叫咗個香蕉高力豆沙及炸南瓜餅，高力豆沙一般水準，蛋白厚度可以薄少少，南瓜餅似乎較多油，炸多了一些時間。