影片
更多
2018-08-22
692 瀏覽
約了朋友食係旺角食晚飯, 但無乜頭水食乜, 又無預先訂位, 於是四圍行下睇下食乜好。行到去染布房街泉章居附近時, 見到呢間WOFT, 望落去似酒吧的餐廳。當時只係6:30pm, 已經有四成入座率, 加上朋友又想食西式野, 於是就入去坐低。一入到去, 見到周圍都係枝裝啤酒空樽的擺設, 一大個由天花板到落地的玻璃櫃, 入面全部都係不同牌子、味道的手工啤酒樽。而呢度亦分開兩本Menu, 一本係食物(得幾頁紙), 另一本較厚的就Drink List, 應該有十幾廿頁, 入面大部分都係不同的手工啤。所以呢度就好似一間手工啤酒博物館咁。有好多手工啤酒名都好地道, 玩埋粗口諧音, 例如下面個枝。朋友試左呢隻花雕味的手工啤。朋友話真係有花雕味架!而我就試左台灣黎的荔枝味手工喃。呀! 又真係幾有荔枝的甜味, 但飲耐左, 就覺得佢偏甜。其後再encore, 就試下枝麥味的手工啤, 呢枝係最正常味道的啤酒, 無太大的特別。至於食物方面, 身為芝士薯條控, 一見到Menu有, 就必定會叫。呢個係芝士薯圈, 其實我對薯圈的興趣比薯條更大, 只係無左哈迪斯之後, 已經好少地方有薯圈食。呢度個薯圈炸得唔錯, 但芝士
行到去染布房街泉章居附近時, 見到呢間WOFT, 望落去似酒吧的餐廳。當時只係6:30pm, 已經有四成入座率, 加上朋友又想食西式野, 於是就入去坐低。
一入到去, 見到周圍都係枝裝啤酒空樽的擺設, 一大個由天花板到落地的玻璃櫃, 入面全部都係不同牌子、味道的手工啤酒樽。
而呢度亦分開兩本Menu, 一本係食物(得幾頁紙), 另一本較厚的就Drink List, 應該有十幾廿頁, 入面大部分都係不同的手工啤。所以呢度就好似一間手工啤酒博物館咁。有好多手工啤酒名都好地道, 玩埋粗口諧音, 例如下面個枝。
朋友試左呢隻花雕味的手工啤。
朋友話真係有花雕味架!
而我就試左台灣黎的荔枝味手工喃。呀! 又真係幾有荔枝的甜味, 但飲耐左, 就覺得佢偏甜。
其後再encore, 就試下枝麥味的手工啤, 呢枝係最正常味道的啤酒, 無太大的特別。
至於食物方面, 身為芝士薯條控, 一見到Menu有, 就必定會叫。呢個係芝士薯圈, 其實我對薯圈的興趣比薯條更大, 只係無左哈迪斯之後, 已經好少地方有薯圈食。呢度個薯圈炸得唔錯, 但芝士味略嫌唔夠重, 滿足唔到我呢個芝士控。
主食方面, 我叫左千層麵。呢個有驚喜, 喜歡濃味的朋友會喜歡, 芝士質感好多, 新鮮焗起完全無得輸。
朋友叫左漢堡飽, 正常無太大特別。張貼
