影片
更多
2022-11-02
17 瀏覽
估唔到大角嘴開咗間咁正嘅茶居！雖然食嘅係傳統點心，但裝修就好別緻，年輕人嚟飲茶都一定唔會覺得老土，重點係啲嘢食真係好好好好食！-月滿晶瑩蝦餃皇-嚟得飲茶點都一定要叫啲signature 嘢，簡單嘢都整得好味嘅話，就証明個師傅有料到！蝦餃好唔好食真係睇塊片夠唔夠薄，粒蝦夠唔夠大粒、彈牙，而呢度嘅蝦餃皇絕對做到晒以上嘅要求，皮薄蝦靚，乜醬都唔點，最純粹最好味！-黑松露北菇燒賣皇-加咗黑松露真係不得了咁好味，黑松露好香，燒賣大大粒啖啖肉！-祖傳秘製醬鳳爪-飲茶一定要叫鳳爪，呢度嘅鳳爪入晒味，個醬濃得嚟又唔會話好喊，蒸到少少骨肉分離，一放入口就起到晒啲骨，勁正！-醬皇金錢肚-金錢肚個醬又係正，平時好少食金錢肚嘅我都覺得好好味！-蠔皇腩叉腸-老公去親飲茶都一定一定會叫腸粉，作為腸粉界專家嘅佢，大讚呢度啲腸粉好滑！！！仲要入面係佢最愛嘅叉燒，啲叉燒唔乾唔鞋，勁多汁、肥瘦均勻，所以每一啖咬落去都勁滋味！-櫻花蝦蘿蔔絲酥-呢樣點心真係第一次食，個皮酥脆到呢～～入面帶有少少咸香味嘅櫻花蝦惹味到呢～～個蘿蔔餡因為比較清，所以反而突出到個酥皮同櫻花蝦嘅味道，勁夾勁好食！-古法馬拉糕-馬拉糕好鬆軟呀！！！！雖
估唔到大角嘴開咗間咁正嘅茶居！
雖然食嘅係傳統點心，
但裝修就好別緻，
年輕人嚟飲茶都一定唔會覺得老土，
重點係啲嘢食真係好好好好食！
-月滿晶瑩蝦餃皇-
嚟得飲茶點都一定要叫啲signature 嘢，
簡單嘢都整得好味嘅話，
就証明個師傅有料到！
蝦餃好唔好食真係睇塊片夠唔夠薄，
粒蝦夠唔夠大粒、彈牙，
而呢度嘅蝦餃皇絕對做到晒以上嘅要求，
皮薄蝦靚，
乜醬都唔點，
最純粹最好味！
-黑松露北菇燒賣皇-
加咗黑松露真係不得了咁好味，
黑松露好香，
燒賣大大粒啖啖肉！
-祖傳秘製醬鳳爪-
飲茶一定要叫鳳爪，
呢度嘅鳳爪入晒味，
個醬濃得嚟又唔會話好喊，
蒸到少少骨肉分離，
一放入口就起到晒啲骨，
勁正！
-醬皇金錢肚-
金錢肚個醬又係正，
平時好少食金錢肚嘅我都覺得好好味！
-蠔皇腩叉腸-
老公去親飲茶都一定一定會叫腸粉，
作為腸粉界專家嘅佢，
大讚呢度啲腸粉好滑！！！
仲要入面係佢最愛嘅叉燒，
啲叉燒唔乾唔鞋，
勁多汁、肥瘦均勻，
所以每一啖咬落去都勁滋味！
-櫻花蝦蘿蔔絲酥-
呢樣點心真係第一次食，
個皮酥脆到呢～～
入面帶有少少咸香味嘅櫻花蝦惹味到呢～～
個蘿蔔餡因為比較清，
所以反而突出到個酥皮同櫻花蝦嘅味道，
勁夾勁好食！
-古法馬拉糕-
馬拉糕好鬆軟呀！！！！
雖然唔係好大舊（太大舊我都食唔晒），
但甜甜哋又夠鬆軟，
作為最後嘅甜品真係一流！
呢間茶居真係無論點咩都咁好食，
感覺到佢哋嘅用心同師傅煮嘢食嘅功力！
值得一再幫襯！
張貼
