民華餐廳

營業中

休息中

呀q黎搵我前起度食左個常餐茄牛面，番黎話見到個餐牌好唔錯，又拉番我去呢度再食過，於是我又同佢坐左起度食晚飯啦。呢度餐牌舌左入枱面，一坐低就可以馬上揀野食，見佢起咖哩打哂星星又皇冠推介，馬上叫左咖哩雞飯同咖哩牛根腩飯。好快就到啦，個飯上面又真係有隻荷包蛋，仲煎得好鬼靚添。真係學君如咁講：食帶番頂帽好味d！望落已經開心d啦！快快脆食！d送好足，一個咖哩有成3舊薯仔！大快活都係得一舊啦！d根腩煮得好淋好正，雞呢又有雞翼雞脾同雞胸，雞胸都有3大舊！真係好鬼飽！呢度d咖哩椰香無咁重，係好港式既咖哩，比平時食既都辣d，唔食得辣既應該唔岩你地心水，不過我訓練有功，覺得唔錯。