影片
更多
2016-07-11
1341 瀏覽
有多久沒有吃過雞煲，我忘記了。有多久沒有看戲，我會好記得，應該一個星期左右。上次睇戲，我睇睇下聞到橙味，原來有人係前面食橙，好彩不在我隔離，如果佢將橙汁澌落我身上，我應該會毫不猶豫用粗口問候佢。雖然朋友曾經告訴我佢會帶蕉入戲院食然後我都覺得有問題，但係橙都係好X過份。然後朋友在Fb講開曾經有人帶盒飯入戲院食，究竟啲人係食飯定睇戲，我真係萬個問號，如果食燒味都算，如果係濕飯，我真係會投訴佢趕佢老闆出去。這晚睇戲前，為了避免像那非常風趣的朋友在戲院食飯，當然要吃左先，加上朋友提議吃雞煲，我都幾肯定，係戲院絕對吃不到雞煲，當然，一百歲唔死都有新聞聽，要在戲院裡吃雞煲可能都有日會發生。說真，你有想像過可以係戲院吃燒賣嗎，其實都係同樣道理，濕到咁，點食。今晚睇戲前，就來到了旺角有名的陸陸雞煲，估不到這裡的感覺就完完全全像戲院般。坦白說，從來沒有想過吃雞煲的裝修可以咁靚，勁多以雞為主的電影海報，年輕化的裝潢，連餐桌椅子等也是年輕化，你完全想像不到這裡是吃雞煲的。那刻的感覺，真像在戲院裡吃雞煲，我想如果那些私人影院搞gimmick大可以考慮下這個點子。先說雞煲，當然是不錯，我們要少辣，最重要唔係好辣
有多久沒有看戲，我會好記得，應該一個星期左右。
上次睇戲，我睇睇下聞到橙味，原來有人係前面食橙，好彩不在我隔離，如果佢將橙汁澌落我身上，我應該會毫不猶豫用粗口問候佢。
雖然朋友曾經告訴我佢會帶蕉入戲院食然後我都覺得有問題，但係橙都係好X過份。
然後朋友在Fb講開曾經有人帶盒飯入戲院食，究竟啲人係食飯定睇戲，我真係萬個問號，如果食燒味都算，如果係濕飯，我真係會投訴佢趕佢老闆出去。
這晚睇戲前，為了避免像那非常風趣的朋友在戲院食飯，當然要吃左先，加上朋友提議吃雞煲，我都幾肯定，係戲院絕對吃不到雞煲，當然，一百歲唔死都有新聞聽，要在戲院裡吃雞煲可能都有日會發生。
說真，你有想像過可以係戲院吃燒賣嗎，其實都係同樣道理，濕到咁，點食。
今晚睇戲前，就來到了旺角有名的陸陸雞煲，估不到這裡的感覺就完完全全像戲院般。
坦白說，從來沒有想過吃雞煲的裝修可以咁靚，勁多以雞為主的電影海報，年輕化的裝潢，連餐桌椅子等也是年輕化，你完全想像不到這裡是吃雞煲的。
那刻的感覺，真像在戲院裡吃雞煲，我想如果那些私人影院搞gimmick大可以考慮下這個點子。
先說雞煲，當然是不錯，我們要少辣，最重要唔係好辣，每件雞的鮮味絕對不是普普通通為做而做，還有那些配菜，配合那個秘製的辣汁，那感覺絕對是不錯，而且價錢相宜，令我想起從前的隨變。
陸陸牛三併，有手切肥牛，有美國肥牛，更有牛柳粒，說真，樣樣都非常高質，以雞煲做招牌，我沒有想過牛有什麼驚喜，但我們吃牛卻吃到不停口。
然後，我們更叫多左一碟陸陸手切肥牛，那股牛味的好，你可想而知。
午餐肉是打邊爐最好朋友，當然要叫。
鮮枝竹普通左少少，可能我太喜歡對枝竹要求也太多，太吹毛求疵。
自家的響鈴是可以的，但是老實說，我們大部人也不知怎欣賞那炸魚皮。
日本廣島蠔當然是出色，那股廣島蠔特有的鮮和濃，在雞煲下依舊出色。
雙蚌又是打邊爐必點的，這裡也做得不錯吧。
巨型北海道帆立貝是真係勁大隻的，就算雞煲整熟哂都大隻到不行，好抵食。
我也幾喜歡這裡的丸類，手打墨丸和鮮蝦丸各有各的千秋，我會喜歡那濃縮了的蝦味，也喜歡鮮明的性格，就如女孩般。
另一丸類雙併是蟹粉蟹籽包和芝心包，說真，感覺較膩，如果年少多好的年齡來吃，會夠膽吃多一點吧。
四寶餃也應有盡有，像我的朋友喜歡吃餃，搜羅了所有應吃的都有，不用煩。叫了個咸牛肉芝士釀油條，每間邊爐自然有佢自己的拿手好戲，這裡的就是不錯，油條炸得脆脆和咸牛肉芝士卻出奇地匹配，是必點的選擇。
喜歡這裡的鮮菜藍，當然沒有寬巷子的美，但菜新鮮又靚靚，又點會不好呢。
我最喜歡佢有兩溝，烏冬加出前一丁，不用爭同費思量去吃邊樣，兩樣都咁吸雞煲精華汁的味道，當然要選，出前一丁會勝一籌。
可能你會奇怪，睇戲前食咁多野唔飽唔眼瞓咩，說真我們也沒有想過，只不過食下又叫多碟，食下又叫多碟，最後要好趕咁去戲院，大約我真係以為自己係個度，大約這裡的雞煲也會好吃到令你忘記了你自己買了票看電影吧....
四個人食咁多都係四百幾，絕對是不錯，不過下次食，似乎約睇完戲後應該會安全一點吧。後記:這裡飲品好多種，特別係竟然有我最愛的青檸梳打，不過好普通，反而竹庶矛根好好多，一枝枝的烏龍茶也不錯。
陸陸雞煲火鍋 66 Hot Pot
旺角白布街16號
張貼
