影片
更多
2019-08-15
433 瀏覽
Cakes is no longer to be patent for Girls only. Right?-La Famille呢個法文既意思係「我家」，主打輕型，清新同日系風格既戚風蛋糕，款式、囗味、賣相多不勝數，擺哂係雪櫃裡面，任君選擇，裝修精緻，以雲石、木紋同暗金帶有一種型格、奢華感覺，今次同朋友黎銅鑼灣分店堂食，雖然兩條麻甩佬入到去好似好gay咁，但邊個話男仔唔鍾意食Cake咖？反之我仲係蛋糕控黎tim！👇📌Chiffon Cake - 戚風蛋糕▪ 宇治抹茶椰香 - $60▫ 翠綠色般既小蛋糕，帶有夏日風情，本身我食甜品都好鍾意嗌抹茶，今次就特別有新鮮感，用到椰子黎做配搭，而唔係最常見既紅豆，極具創意，味道亦都無失望，陣陣椰汁香味配搭抹茶混合，清甜味極濃郁，仲有少少回甘既感覺，證明用料唔差，價錢係值得既！▪ 盛莓藍蝶 - $54▫ 有Staff推薦我試下呢個新品，以水果做主題，包括士多啤梨、藍莓、黑莓、覆盆子同埋蔓越莓，整體味道就夠哂清新啦，外形顏色仲好吸晴，以蝶豆花同紫羅蘭花混合而成既天然色素，完全體驗到IGable果種夢幻般感覺，一定俘虜一眾少女心！▪ 雙重朱古力▫ La
-
La Famille呢個法文既意思係「我家」，主打輕型，
清新同日系風格既戚風蛋糕，款式、囗味、
賣相多不勝數，擺哂係雪櫃裡面，任君選擇，
裝修精緻，以雲石、木紋同暗金帶有一種型格、
奢華感覺，今次同朋友黎銅鑼灣分店堂食，
雖然兩條麻甩佬入到去好似好gay咁，但邊個話
男仔唔鍾意食Cake咖？反之我仲係蛋糕控黎tim！👇
📌Chiffon Cake - 戚風蛋糕
▪ 宇治抹茶椰香 - $60
▫ 翠綠色般既小蛋糕，帶有夏日風情，
本身我食甜品都好鍾意嗌抹茶，今次就特別有新鮮感，
用到椰子黎做配搭，而唔係最常見既紅豆，
極具創意，味道亦都無失望，陣陣椰汁香味配搭
抹茶混合，清甜味極濃郁，仲有少少回甘既感覺，
證明用料唔差，價錢係值得既！
▪ 盛莓藍蝶 - $54
▫ 有Staff推薦我試下呢個新品，以水果做主題，
包括士多啤梨、藍莓、黑莓、覆盆子同埋蔓越莓，
整體味道就夠哂清新啦，外形顏色仲好吸晴，
以蝶豆花同紫羅蘭花混合而成既天然色素，
完全體驗到IGable果種夢幻般感覺，
一定俘虜一眾少女心！
▪ 雙重朱古力
▫ La Famille既蛋糕標榜用日本麵粉、
砂糖同北海道直送忌廉，所以食落比一般蛋糕無咁膩，
當然無朱古力，食甜品根本唔夠喉。呢個雙重朱古力
70%黎自朱古力忌廉，外圍都係榛果朱古力脆脆，
口感一流，味道濃郁，仲帶少少酒香味，
蛋糕仲保持到鬆軟！
▪ 伯爵茶泡沫鮮奶 - $44
▫ 樣靚身材正，除左比喻靚女之外，仲可以用係
飲品身上，呢杯Earl Grey Milk做到泡沫輕盈，
賣相一流，入口細滑，絕對係我最愛呀！
▪ 薄脆焦糖咖啡 – 42 (H)
▫ 入口先有種苦澀，再黎有焦糖既香，
中間再有一層奶滑泡沫，三者層次做到平衡，飲得過！
張貼
