更多
2022-05-11
387 瀏覽
屈咗喺屋企咁耐,終於可以聚一聚!一上佛台,就見到呢間新火鍋。一入去就見到個大backdrop「不是我戒不了酒,而是我戒不了朋友」實在非常到肉!你班友仔!!咁多年嚟都fing唔甩。我哋一行八人,有間VIP房畀我哋坐。環境舒服,仲有塊大玻璃窗睇吓景。酒水都多選擇,囡囡就鍾意個奶蓋芒果沙冰,芒果味濃又多果肉。菠蘿沙冰都好正。佢仲有個豆腐沙冰,下次可以試下。嘢食選擇好多,前菜有象拔蚌刺身,份量算多,爽甜👍🏻 有椒鹽豆腐、腐皮蝦卷,味道一流,當然再多幾嚿會更好😂主菜叫咗幾味,最好食係蕃茄煮烤魚,水煮魚一早試過,但蕃茄湯煮魚小弟都係第一次食,一流!我成日覺得,成班人打邊爐,最重要揀有特色,好似厚福館嘅肥牛同方榮記嘅沙嗲咁,諗起都想食。呢間個蕃茄湯,堅正!個個都but湯,飲到乾底變煎魚😂 好彩有得添湯。落埋響鈴浸湯食,爽!日本和牛食得多,通常得肉眼芯,什至畀啲肩頸腿你算。呢間,塊塊全肉眼上,大過我攤開手掌😂 味道一流,入口即溶。食食吓有三人隊band唱歌,鍾意聽歌嘅出咗房high,我哋幾個繼續飲繼續吹,無催鐘。臨尾免費送一shot菠羅沙冰解膩,好細心。正!
一入去就見到個大backdrop「不是我戒不了酒,而是我戒不了朋友」實在非常到肉!你班友仔!!咁多年嚟都fing唔甩。
我哋一行八人,有間VIP房畀我哋坐。環境舒服,仲有塊大玻璃窗睇吓景。
酒水都多選擇,囡囡就鍾意個奶蓋芒果沙冰,芒果味濃又多果肉。菠蘿沙冰都好正。佢仲有個豆腐沙冰,下次可以試下。
嘢食選擇好多,前菜有象拔蚌刺身,份量算多,爽甜👍🏻 有椒鹽豆腐、腐皮蝦卷,味道一流,當然再多幾嚿會更好😂
主菜叫咗幾味,最好食係蕃茄煮烤魚,水煮魚一早試過,但蕃茄湯煮魚小弟都係第一次食,一流!我成日覺得,成班人打邊爐,最重要揀有特色,好似厚福館嘅肥牛同方榮記嘅沙嗲咁,諗起都想食。呢間個蕃茄湯,堅正!個個都but湯,飲到乾底變煎魚😂 好彩有得添湯。落埋響鈴浸湯食,爽!
日本和牛食得多,通常得肉眼芯,什至畀啲肩頸腿你算。呢間,塊塊全肉眼上,大過我攤開手掌😂 味道一流,入口即溶。
食食吓有三人隊band唱歌,鍾意聽歌嘅出咗房high,我哋幾個繼續飲繼續吹,無催鐘。臨尾免費送一shot菠羅沙冰解膩,好細心。正!
菠蘿沙冰
22 瀏覽
0 讚好
0 留言
象拔蚌刺身
31 瀏覽
0 讚好
0 留言
日本A4和牛片
20 瀏覽
0 讚好
0 留言
蕃茄煮烤魚
43 瀏覽
1 讚好
0 留言
張貼