昌記(星洲)海南雞飯 (已結業)

住咗元朗好耐都未嚟呢度食過.... 見咁多人讚終於唔抵得搵日早d收工返嚟元朗食飯。呢度舖頭真係好細，得三張枱，但我嚟到時時間尚早，可以任坐。叫咗招牌菜海南雞飯，飲凍咖啡 --- 老闆竟然俾雞脾飯我! 好開心 味道果然唔錯，雞好滑、唔肥、有味道，d飯仲好香添! 不得不提嘅係個醬汁同薑茸，係放嚮枱任點嘅，個醬辣得好滋味，薑茸就唔油，好味! 個飯對我嚟講都好夠食，唔會食唔飽噃，32蚊連飲品，抵食。