甜屋 (已結業)

難得灣仔有開得夜既甜品鋪，當然要黎試下。唔知有咩名物，不過眼見門口好多報紙既報導，就食D介紹既產品。香蕉班戟配雪糕，是日的香蕉較為生，望落仲以為香蕉係燒過，原來只係加左糖漿。雪糕應該係雲尼拿，不過只係食到雪味。班戟硬硬的，個人覺得馬沙果D現盛焗熱比這個更吸引，再加上只有糖漿同雪味雪糕，食落真係不是味兒。芒果牛奶布丁，係由牛奶布丁配上芒果汁同伴有芒果。布丁有奶味，不過未係太濃，望落幾滑食落就唔多滑，個芒果汁略為少左D，多返少少應該會更好，芒果唔係時令，明白的，不過而家好多地方都有牛奶布丁食，水準都好唔錯，這個真的給比下去。哈蜜瓜冰，友人點既哈蜜瓜冰，睇色水都唔多對路，除左面頭果粒之外，D冰食落真係無咩哈蜜瓜味，仲要溶得幾快下，係唔收貨的一款。三款都唔太滿意，特別係香蕉班戟，我覺得誠意唔夠，仲要係五星級大廚主理，唔通主打主理只係CAKE。