翡翠拉麵小籠包 (已結業)

今日將近晚上10點先搵野食，附近已經無咩店鋪開門。咁岩見到翡翠拉麵小籠包未關，當然即刻入去啦～翡翠既小籠包真係無得頂！次次黎都一定要叫！試過其他店既小籠包就會覺得翡翠既小籠包係真係唔錯嫁！炸銀絲卷😋呢個好味呀～炸銀絲卷一定要配煉奶！炸銀絲卷既皮脆脆的，好味!😋紅油抄手～呢碟野都唔錯～鍾意食辣既會鍾意！最後當然唔少得要食返個口水雞拉麵～本來我想叫口水雞，可惜已經無哂。但原來無口水雞唔等於無口水雞拉麵嫁！最後職員推介我地食口水雞拉麵～佢話口水雞拉麵既雞係滑啲既🤔但點都好啦，口水雞拉麵對於食辣既人黎請都係必叫呀！呢個口水雞拉麵係連雞湯的，所以食唔到辣既人都可以試下既～