影片
更多
2023-04-17
494 瀏覽
星期五慶祝朋友生日，揀左間食過而覺得好高質既西餐廳，經OpenRice book枱仲有得送生日甜品🤤哩間餐廳地點係偏僻少少，但食物質素好高，我自己覺得係全元朗最好食既西餐黎。今次叫左生蠔先，一人一隻銀堡疊+聖馬田。我甚至覺得哩到既蠔係好食過出面專賣蠔既地方，又新鮮又大隻。之後叫左兩個dinner set，香煎日本大蝦龍蝦汁意大利麵($148) 同 烤西班牙乳豬配蘋果蓉（$268）。其中一個set升級做香辣蒜香白酒煮藍青口（+88），一個就跟返set既西班牙火腿沙律。再另外配左兩杯特飲，一杯凍既水果茶同一杯熱既青檸藍蝶花。兩杯都超靚，打卡一流，仲要佢靚得黎好好飲，我杯青檸藍蝶花入口好舒服。跟餐送既黑糖麵包好好食，沙律茶又新鮮。個青口個汁超惹味，其實佢加個意粉已經可以做主食，我地仲有啲麵點埋佢個汁黎食。主菜先上左乳豬仔，餐廳好用心提我地乳豬要趁熱食先，如果唔係個皮唔脆。個乳豬都真係好好食，本身肉夠鹹香，皮又夠脆，配埋蘋果蓉又解到油脂感。意粉又係好正，啲意粉煮得啱啱好，又入晒蝦汁啲味，大蝦同帶子都分別煎香晒兩邊，哩啲就係誠意位🥹 最尾上埋個生日甜品歌劇院蛋糕，有埋寫字服務👍🏻其實食左好多野，
哩間餐廳地點係偏僻少少，但食物質素好高，我自己覺得係全元朗最好食既西餐黎。今次叫左生蠔先，一人一隻銀堡疊+聖馬田。我甚至覺得哩到既蠔係好食過出面專賣蠔既地方，又新鮮又大隻。
之後叫左兩個dinner set，香煎日本大蝦龍蝦汁意大利麵($148) 同 烤西班牙乳豬配蘋果蓉（$268）。其中一個set升級做香辣蒜香白酒煮藍青口（+88），一個就跟返set既西班牙火腿沙律。
再另外配左兩杯特飲，一杯凍既水果茶同一杯熱既青檸藍蝶花。兩杯都超靚，打卡一流，仲要佢靚得黎好好飲，我杯青檸藍蝶花入口好舒服。
跟餐送既黑糖麵包好好食，沙律茶又新鮮。
個青口個汁超惹味，其實佢加個意粉已經可以做主食，我地仲有啲麵點埋佢個汁黎食。
主菜先上左乳豬仔，餐廳好用心提我地乳豬要趁熱食先，如果唔係個皮唔脆。個乳豬都真係好好食，本身肉夠鹹香，皮又夠脆，配埋蘋果蓉又解到油脂感。
意粉又係好正，啲意粉煮得啱啱好，又入晒蝦汁啲味，大蝦同帶子都分別煎香晒兩邊，哩啲就係誠意位🥹
最尾上埋個生日甜品歌劇院蛋糕，有埋寫字服務👍🏻
其實食左好多野，理應好飽，但因為啲野太好食，食完仲有啲想再食😂😂 晚餐cp值超高，下次一定會再黎！
張貼
