上海姥姥 (已結業)

今日返工可能太忙關係，特別肚餓～所以食晏嘅時候特別想搵'飯'食～嚟到上海姥姥，原來已經下午茶時段了～一坐低，見到Tea Set有飯嘅得揚州炒飯，即刻諗都唔洗諗，就叫咗呢個！既然叫得飯，當然都擔心比較乾身梗係想嗌返杯野飲啦，可惜原來下午茶唔包，要嗌野飲就一定要跟個小食，咁嚟得食上海野梗係要食返個小籠包啦～於是我加左＄15叫咗兩件小籠包加杯豆漿~小籠包好正呀！熱辣辣，又多汁，正～而楊州炒飯好足料，又唔乾身，味道不錯～之不過以下午茶時段嚟計，＄53落樓真係有少少貴～順帶一提，原來呢度可以用八達通付款的～都幾方便！