影片
更多
2017-01-19
47 瀏覽
前兩日去左旺角行街，行到咁上下肚餓，朋友話想打邊爐，去左食御前牛盛呢間新舖試下新玩意！我地見佢有刺身任食，我地又好肚餓，每位加多$38就有啦，唔算好！湯底選擇都唔少，我地又唔想食辣，朋友唔想食壽喜燒，又驚中大伏，結果叫左博多豬骨湯。雖然唔算特別，但無咁易食到伏野！奶白色豬骨湯，未擺野落去個陣試一試味，豬骨味濃！刺身船好有誠意，赤蝦非常新鮮，三文魚刺身大大塊，無姑寒！牛肉顏色好對版，切到好薄，方便一滾就熟。本菇雞脾菇等等乾淨企理，叫一份已經好多，要留意返！有唔少海鮮可以點，有海參、蜆、墨魚仔等等。雖然唔會要求新鮮，但都算對得住個價錢！特別一提，呢度有薯粉叫，記住唔好滾太耐，唔係會好淋！總結：價錢唔算貴，要求唔太高可以一試！
我地見佢有刺身任食，我地又好肚餓，每位加多$38就有啦，唔算好！
湯底選擇都唔少，我地又唔想食辣，朋友唔想食壽喜燒，又驚中大伏，結果叫左博多豬骨湯。雖然唔算特別，但無咁易食到伏野！奶白色豬骨湯，未擺野落去個陣試一試味，豬骨味濃！
刺身船好有誠意，赤蝦非常新鮮，三文魚刺身大大塊，無姑寒！
牛肉顏色好對版，切到好薄，方便一滾就熟。本菇雞脾菇等等乾淨企理，叫一份已經好多，要留意返！
有唔少海鮮可以點，有海參、蜆、墨魚仔等等。雖然唔會要求新鮮，但都算對得住個價錢！
特別一提，呢度有薯粉叫，記住唔好滾太耐，唔係會好淋！總結：價錢唔算貴，要求唔太高可以一試！
張貼
