大井町日式放題 (已結業)

「我要食日本野，我要食放題！」不段在女友耳邊重覆這說話，終於能夠願望成真。女友在我煩擾下，最終上網找了這家位於荃灣大鴻輝3樓既大井町日式放題比我啦！去到既時候，第一個印象係，環境都唔錯。侍應安排我地坐窗邊卡位，落地大玻璃望著荃灣夜景，都算幾舒服。坐低後第一時間點D刺身食下先「少食多滋味」，第一次落單每人各款先試一件帶子同北寄貝都好好食，甜蝦既味道都好鮮甜。再encore ！食完刺身，緊係唔少得壽司啦！蝦上面加左小小魚子，賣相不得了。其實放題又點只得壽司，呢間大井町的燒物都好好食，特別係個牛肉粒，但唔記得左影相。仲有個蒸蛋同牛油栗米都好好食。推介！最後仲有甜品，呢度有我最鐘意既movenpick 雪糕，真係令我喜出望外！總結，食物種類超多，上菜速度算快，又有個自助吧區域，可以自己攞野飲有各式各樣既飲料同沙律，最印象深刻係佢地個開放式廚房，可以望到師傅即叫即做，十分乾淨整潔。260蚊有咁既質數，絕對係要比讚。