咯咯雞韓食店 (亞士厘道) (已結業)

呢間韓式小店上年食過好唔錯，琴日喺尖沙嘴行完街，好掛住佢，所以要來狠狠懲罰下佢！💛海鮮泡菜炒飯💛海鮮炒飯份量十足，炒飯香氣一送上枱，都未吃就直接撲鼻而來，令我充滿期待。海鮮粒的鮮味同泡菜嘅酸甜味融入炒飯內，又有鑊氣，飯粒粒粒分明，十分香噴噴，又好開胃！💛蒜香醬油炸雞💛嘩雞件係無骨㗎，啖啖肉，最啱我呢啲懶人！外皮炸得勁香脆又唔會硬，醬油味甜甜的唔會好重口，蒜香味夠晒香。咬落去肉超嫩多汁又彈牙。係一個滿分嘅炸雞！💛水冷麵💛冰凍的水冷麵，食落冰凍，麵條彈性有咬口，配料有蛋同叉燒，仲有青瓜條同雪梨條，食夠曬清新，夏天食真係最合適！總結，高質好味嘅韓式小店，你知佢乜料啦😏💛💛