大吃大喝 (已搬遷) 新店位置

油麻地早餐之日常2喺床一擘大眼，又一日。又喺時候諗食乜。依間小店我都唔記得幫襯過幾多次，我一星期都總會有一/兩日幫襯佢。依間店叫「大吃大喝」記得佢啱啱開張，廿五蚊一份三文治，包埋一枝樽裝嘅飲品。飲品除左有咖啡奶茶之外，檸檬薏米水都有得你揀。全部野飲食物嘅味道都好正常，三文治即整，好大份。雖則味道唔會話驚為天人，但總之你唔會挑剔到話唔好食/唔好飲/太甜/太咸/怪味。我比較常叫嘅就係餐蛋治/芫荽炒蛋治。份三文治大一大份，一條友食晒嘅話，晏晝嗰餐都可以慳返😂我問問做餐飲嘅朋友，$25蚊做唔做得住㗎？佢話難矣，有得食好食。隔無耐，間鋪就關左門，告示寫上內部裝修。我🥲大雨曬過後晴天，原來佢真喺裝修🤣。裝修完，變左嘅喺，嗰三文治餐賣貴左$5，多左特別/限定嘅味道俾你揀；無變嘅喺野食味道一貫中上水平，同埋依舊嘅龜速出餐。除左三文治，佢仲會有台式蛋餅， 都幾多配料俾你揀。冇記錯都係$35一個餐。如果你嗰日突然想食台灣野，都可以試試，味道唔差之餘，性價比真係好高。咁大份三文治食唔晒點算好？咪話我唔俾條好橋過你，將份三文治share俾你身邊嘅好朋友/好同事/好鄰居，話唔定有一份好嘅姻緣由此起💓計下算下，點