影片
更多
2012-10-22
224 瀏覽
對上一次幫襯已經喺年幾前嘅事，當時同老婆、舅仔一齊嚟食夜晚飯，印象喺OK嘅，唔太好又唔太差。上到萬事達廣場二樓，原本喺去大家樂，經過牛車水，老婆話好耐無食過，不如試吓，就喺咁入咗去喇。又等小弟晌「我的美孚下午茶餐」系列加埋佢嘅食評啦！美孚好幾間快餐店、茶記晌下午茶時段都幾多人，但牛車水嘅入座率算喺例外，有相為證，我估都喺得三乘客。好唔好食喺一個原因，其實佢啲粉麵餐跟同區嘅茶記差唔多價，都喺大概$30左右，不過人人都唔收加一之時，而佢就收加一，雖則佢自稱為一間西餐廳，但著實跟茶餐廳無異，所謂加一服務，都只不過送菜上餐飲，所以對客嚟講，心裡就會覺得好唔抵，亦可能喺少人幫襯原因之一。下午茶餐一樣有好多嘢揀，平平哋可以食三文治或飛碟茶餐（$22-$24），貴啲嘅有大把選擇，炒粉飯麵、金邊粉、米線……等等（$26-$29），再貴啲可以食個鐵板扒餐（$36-$40），下午茶佢都供應鐵板餐，有啲誇張呀！沙嗲五串（豬、牛、雞） $29牛車水喺新加坡一個地方名，名字由來就唔多講，上網查就大把資料。所以，就要咗一份新加坡馳名地道美食「沙嗲串燒」，舊年去過一次新加坡，都幾懷念當地嘅串燒，借機賣賣廣告，可以瀏
美孚好幾間快餐店、茶記晌下午茶時段都幾多人，但牛車水嘅入座率算喺例外，有相為證，我估都喺得三乘客。好唔好食喺一個原因，其實佢啲粉麵餐跟同區嘅茶記差唔多價，都喺大概$30左右，不過人人都唔收加一之時，而佢就收加一，雖則佢自稱為一間西餐廳，但著實跟茶餐廳無異，所謂加一服務，都只不過送菜上餐飲，所以對客嚟講，心裡就會覺得好唔抵，亦可能喺少人幫襯原因之一。
下午茶餐一樣有好多嘢揀，平平哋可以食三文治或飛碟茶餐（$22-$24），貴啲嘅有大把選擇，炒粉飯麵、金邊粉、米線……等等（$26-$29），再貴啲可以食個鐵板扒餐（$36-$40），下午茶佢都供應鐵板餐，有啲誇張呀！
沙嗲五串（豬、牛、雞） $29牛車水喺新加坡一個地方名，名字由來就唔多講，上網查就大把資料。所以，就要咗一份新加坡馳名地道美食「沙嗲串燒」，舊年去過一次新加坡，都幾懷念當地嘅串燒，借機賣賣廣告，可以瀏覽小弟嘅開飯遊蹤，就有嗰次新加坡詳細之行。沙嗲五串，唔喺俾晒豬、牛、雞你，只可以任揀兩款：牛串燒，牛肉鬆軟有肉香，雞串燒，肉質軟腍唔似喺雪雞，仲伴有少少菠蘿粒、青瓜粒、蕃茄粒；而啲沙嗲醬幾好喎，好有花生香。
印尼海鮮炒飯 $27個人而言，個炒飯挺足料喇，有蝦仁、魷魚、蜆肉、豬肉粒，加埋蛋碎、生菜絲同炒，頗大碟架，難得炒得乾身又唔油，味道似喺帶點黃薑粉嘅味道，有水準喎。
熱檸水、咖啡老婆依舊飲熱檸水，我就要咗熱咖啡。
下午茶餐供應時間喺2:00-6:30pm，有心嘅話可以拖到六點幾嚟食，當正餐都得，但就比晚市價平得多。雖然此店都幾多劣評，上次嚟我都只喺俾OK佢，不過單以今次質素、咁嘅價錢，可以俾個笑佢。希望佢繼續努力，做好啲食物啦，最好就喺下午茶取消加一添！張貼
