影片
更多
2011-02-11
12 瀏覽
星期三朋友同我慶祝生日,我揀左呢間餐廳食德國嘢,之前朋友係赤柱分店食果話好味,所以就嚟試下啦,我想飲黑啤呀.環境都幾靚喎,有一些紅色心心的情人節佈置啦.入面都幾大的,本來是安排我地坐近bar枱位置,但朋友怕嘈,所以就要求仕應掉另一張枱,仕應也很好幫我地選了上面的位置.人未齊睇下食咩先,映下相先,一定要叫咸豬手啦,仲有麵包,腸仔,還有黑啤添呀.我地叫左:1 lt黑啤,仕應係中國人,但係同你講英文,我地叫佢分5杯,佢話只可以分4杯,分唔到5杯,好怪,唔明點解唔得,跟住就叫佢俾5隻杯我地自己分.其實1 lt都分到5杯啦,甜甜地易入口,都幾好味喎,有麥味,幾香呀.朋友話飲完過一陣個感覺似可樂.我又冇呢種感覺喎.蝴蝶麵包及農夫包這個蝴蝶個樣好靚,有兩種醬可以配麵包的,一種係普通白色的cream,應是原味吧,一種是有少少鵝肝味道的cream,咸咸地加埋d麵包一齊食幾好味及呀夾呀.蝴蝶包煙煙韌韌的幾得意呀,農夫包係十字型的,出面脆卜卜,入面軟淋淋呀,好味道.salami拼盤用個木砧板上,有三款唔同口味的saami.好精緻呀,味道咸咸地似臘腸,都幾好味呀.一隻係長長地型的,一隻係圓型的,一隻係一塊塊的
人未齊睇下食咩先,映下相先,一定要叫咸豬手啦,仲有麵包,腸仔,還有黑啤添呀.我地叫左:
1 lt黑啤,仕應係中國人,但係同你講英文,我地叫佢分5杯,佢話只可以分4杯,分唔到5杯,好怪,唔明點解唔得,跟住就叫佢俾5隻杯我地自己分.其實1 lt都分到5杯啦,甜甜地易入口,都幾好味喎,有麥味,幾香呀.朋友話飲完過一陣個感覺似可樂.我又冇呢種感覺喎.
蝴蝶麵包及農夫包
這個蝴蝶個樣好靚,有兩種醬可以配麵包的,一種係普通白色的cream,應是原味吧,一種是有少少鵝肝味道的cream,咸咸地加埋d麵包一齊食幾好味及呀夾呀.蝴蝶包煙煙韌韌的幾得意呀,農夫包係十字型的,出面脆卜卜,入面軟淋淋呀,好味道.
salami拼盤
用個木砧板上,有三款唔同口味的saami.好精緻呀,味道咸咸地似臘腸,都幾好味呀.一隻係長長地型的,一隻係圓型的,一隻係一塊塊的.全部味道都係咸咸地,我都唔識分,好似都差唔多.排放得好整齊,還有一些酸瓜,可以中和番個咸味.
沙律
這個沙律都幾多唔同的配料的,有磨菇,冬菇,草菇,有幾款菜的,還有洋蔥片,好味呀,d菇好新鮮,菜好清新的味道.都幾大份架.
腸(我都唔記得係咪豬肉or雞肉添)
1款有6條的,唔算大條,有一些薯仔及蕃茄作配菜的,個腸都幾好味道呀,薯仔太多好漏呀.
咸豬手
個樣好吸引呀,好大隻架,脆卜卜好香口,個皮真的好脆,卜卜聲,入面d肉好淋好香好好味呀,都有好多肉呀,配一些薯菜,好正
焗芝士
這個是季節限定的,冬天先有得食,朋友入餐飲見到部芝士機已係度話一定要食呢個,因為好好味的,部機係即刻切塊芝士出嚟的,加埋一些酸菜食,好味呀,好香芝士味.有些配瓜,蕃茄及細細粒的洋蔥仔.
第一round食完我地再叫多兩樣嘢:
煎蛋漢堡扒配薯餅
成個pan上的,兩隻煎蛋半生熟的,好靚呀,一塊漢堡扒,三塊薯餅,呢個好似早餐咁,薯餅好味及好多薯仔粒,好香口呀,漢堡扒都有點似午餐肉咁,不過都好味呀.
腸(又係唔記得咩味添)
有兩條都幾大條的,一些酸瓜,薯仔及蕃茄.味道都幾好呀,其實都係想試下唔同既腸.
我地一路食一路傾計,都幾舒服,幾好氣氛,出面還有人唱歌,原來可以點歌的,不過我地唔知就冇點到.
食物,環境,服務都好好呀.
張貼
