影片
更多
2019-03-22
69 瀏覽
今日係小弟牛一，外父話要請我食飯，我當然要投其所好，揀反佢最愛嘅飯堂彩福婚宴，而為左方便大家我哋就喺最方便我哋嘅佐敦分店。裝修上同上次一樣，婚宴場地佈置，水晶吊燈，大舞台，寬闊舒適嘅座位，仲有同外父好好傾嘅樓面姐姐(可能就係佢中意嚟嘅原因之一)。酒樓依然做緊晚飯三寶，即係由廚房部，燒味部同海鮮部各選一味餸嘅套餐，好適合二至三人晚飯。今次我哋廚房部就點咗原盅豐料燉湯，實物同睇相一樣果然係豐料，嚮螺烏雞瘦肉湯，火喉夠，味道清甜，飲落仲有膠質，相信來自雞腳。燒味部當然點咗招牌蜜汁叉燒拼脆皮腩仔，叉燒依舊肥瘦均匀，入口帶有蜜汁焦香，而腩仔口感到位，唯獨個人應為今次味道有點失準，咸香味唔夠，一定要芥末醬提味。海鮮部所點係啫啫龍蠆頭腩煲，頭腩份量好多，姜葱爆得相當惹味，可能咁所以失去啫啫感，變得似姜葱感強啲。除左三寶我哋亦點咗栗子准山雞煲，近年自己嘅飲食習慣添加中意食准山呢樣食材，養生之餘嗰種爽脆口感都係令我喜歡嘅地方。而雞煲中除左准山同栗子，師傅加入椒葱提味，好好食送飯感強。燒汁松子繡球珍菌炒花姿柳，雖然係燒汁但味道比想象中清，但反而將每樣食材原有鮮味，重新組合好夾，爽口嘅繡球珍菌有嚼勁嘅花姿柳
裝修上同上次一樣，婚宴場地佈置，水晶吊燈，大舞台，寬闊舒適嘅座位，仲有同外父好好傾嘅樓面姐姐(可能就係佢中意嚟嘅原因之一)。
酒樓依然做緊晚飯三寶，即係由廚房部，燒味部同海鮮部各選一味餸嘅套餐，好適合二至三人晚飯。今次我哋廚房部就點咗原盅豐料燉湯，實物同睇相一樣果然係豐料，嚮螺烏雞瘦肉湯，火喉夠，味道清甜，飲落仲有膠質，相信來自雞腳。
燒味部當然點咗招牌蜜汁叉燒拼脆皮腩仔，叉燒依舊肥瘦均匀，入口帶有蜜汁焦香，而腩仔口感到位，唯獨個人應為今次味道有點失準，咸香味唔夠，一定要芥末醬提味。
海鮮部所點係啫啫龍蠆頭腩煲，頭腩份量好多，姜葱爆得相當惹味，可能咁所以失去啫啫感，變得似姜葱感強啲。
除左三寶我哋亦點咗栗子准山雞煲，近年自己嘅飲食習慣添加中意食准山呢樣食材，養生之餘嗰種爽脆口感都係令我喜歡嘅地方。而雞煲中除左准山同栗子，師傅加入椒葱提味，好好食送飯感強。
燒汁松子繡球珍菌炒花姿柳，雖然係燒汁但味道比想象中清，但反而將每樣食材原有鮮味，重新組合好夾，爽口嘅繡球珍菌有嚼勁嘅花姿柳，層豐富，仲有女皇最愛嘅甜豆，呢度我哋四人都好中意。
最後嘅臘味糯米飯為呢餐劃上完美嘅句號，祝我生日快樂
張貼
