哥哥添飯•妹妹泡茶 (已結業)

今日又黎到我最喜愛嘅觀塘台式餐廳食晚飯，貪依度夠晒方便，地方又好坐適合同friend 慢慢食傾下計。我地叫左避風塘風沙排骨酥配椰菜絲沙律及魯肉飯、岩鹽咸豬肉拼皮蛋醬生菜包。排骨酥份量大，豬肉非常容易咬，一D都唔痴骨，避風塘亦都香好香口。配搭咗椰菜可以解解膩。岩鹽咸豬肉拼皮蛋醬生菜包係我嘅至愛，因為我係非常欣賞依道先食倒嘅皮蛋醬，好香橄欖油。豬腩肉係用岩鹽上，包埋一齊食真係非常滋味！今日試下鮮手工製芋圓奶茶，加料雪燕，原來餐廳茶底係用鐵觀音，比紅茶更岩我口味。芋圓軟硬適中，有芋頭味。甜品要左個對對碰芋圓仙草凍，仙草同椰汁都唔會太甜，性價比極高，所以打包左個比屋企人！