影片
更多
2018-07-16
74 瀏覽
今日放工同同事們約了去打邊爐, 事原有個同事話帶我們去食好食又抵食的蟹宴兼打埋邊爐, 由於我們公司在沙田區, 放工后, 大家一齊打的士來到位於博康邨的大排檔, 雖說是大排檔, 但其實我們食這間叫”魚潮”的店舖是一間有冷氣不過裝修比較簡陋的餐廳, 一入店內, 原來店舖裡面已是人頭涌涌, 平日已有咁多食客幫襯, 我諗它應該有D特色所以受人歡迎.我們叫的是每人288元的蟹宴手工私房鍋, 有每人一隻潮州涷蟹, 星州胡椒蟹或咖哩炒蟹每人半隻, 另外再加打邊爐任食, 每枱仲送黑毛豬肉片或牛頸脊, 8寸長皇帝蟹柳及招牌手工蟹子蟹肉珍寶珠, 哇! 真的好豐富落咗order後, 好快每人一隻的潮州涷蟹便上枱了, 涷蟹配泰式醬汁, 涷蟹好新鮮, 不用點汁就咁食都好好食, 蟹肉又嫩又鮮甜, 點泰式醬汁食又是另一種風味,鮮甜得來又辣辣地, 好開胃, 個個同事都食得好有滋味, 對這涷蟹讚不絕口!待我們將涷蟹拆解得干干淨淨之後, 星洲胡椒蟹都來到我們面前, 每人半隻, 但這半隻都好大份量, 半邊肉蟹仲連住一個超大的蟹鉗, 吮一啖胡椒蟹的殼, 胡椒味好濃郁, 又香又辣好惹味, 吮一啖已是欲罷不能, 我將蟹外殼的胡椒
我們叫的是每人288元的蟹宴手工私房鍋, 有每人一隻潮州涷蟹, 星州胡椒蟹或咖哩炒蟹每人半隻, 另外再加打邊爐任食, 每枱仲送黑毛豬肉片或牛頸脊, 8寸長皇帝蟹柳及招牌手工蟹子蟹肉珍寶珠, 哇! 真的好豐富
落咗order後, 好快每人一隻的潮州涷蟹便上枱了, 涷蟹配泰式醬汁, 涷蟹好新鮮, 不用點汁就咁食都好好食, 蟹肉又嫩又鮮甜, 點泰式醬汁食又是另一種風味,鮮甜得來又辣辣地, 好開胃, 個個同事都食得好有滋味, 對這涷蟹讚不絕口!
待我們將涷蟹拆解得干干淨淨之後, 星洲胡椒蟹都來到我們面前, 每人半隻, 但這半隻都好大份量, 半邊肉蟹仲連住一個超大的蟹鉗, 吮一啖胡椒蟹的殼, 胡椒味好濃郁, 又香又辣好惹味, 吮一啖已是欲罷不能, 我將蟹外殼的胡椒汁吮得七七八八就開始拆蟹肉來食, 由於以肉蟹, 用蟹鉗夾鑤個殼, 拆肉非常容易, 肉蟹真是啖啖肉, 又新鮮, 而且入晒味, 超好食, 我覺得288元淨係食這涷蟹及這胡椒蟹已值回票價, 等陣仲有任食打邊爐, 難怪同事話好食又抵食.
個個食到舐舐脷, 拆晒的蟹, 侍應執埋個枱就上了個鴛鴦鍋, 一邊是藥膳, 另一邊是麻辣, 仲有三十多種火鍋材料任食, 連出前一丁, 讚岐烏冬及韓國年糕都有得食, 雖然任食, 但我們都不會浪費嘢食, 食幾多就order幾多, 個個都食得好滿足, 食得超飽, 我已決定下次我帶埋屋企人再來食! 我同事真的無介紹錯, 這間確實是好食又抵食!
張貼
