影片
更多
2012-11-01
464 瀏覽
小弟起荃灣返工, 呢間嘢起我公司附近, 所以一有時間就會去嘆下早餐今次要同大家講嘅係佢哋嘅早餐-蕃茄湯通粉同咖啡蕃茄湯, 好多地方都有得食, 但佢哋嘅出品永遠冇失望, 湯身濃郁, 蕃茄味圓潤, 而且個酸, 甜, 咸味係非常之平衡, 仲有...加埋D肉丁帶D辣, 落單前可以叫師傅仔走咗佢...但唔建議, 因為食完D辣, 會提升味覺享受...再配上一大堆蔬菜...正當然...並非冇嘢挑剔, D通粉好麻麻, 我覺得係通粉本質問題同因為一早預備, 所以好"林",好似食緊一團麵粉咁...凍咖啡, 係由一位妙齡少女去調配, 有一次, 我偷望佢點整咖啡時...見到佢用(好似) 2種奶去blend 出嚟(睇唔清楚係咩奶), 所以呢度D咖啡, 有D同事覺得淡咗D, 但我反而覺得, 同星巴克latte比較, 多咗一份柔和...而且真係有層次 (sorry, 小弟做紅酒出身), 解釋比大家聽, 入口個感覺, 明顯feel 到咖啡嘅甘同奶嘅味, 包括有一種感覺係綿, 而另一感覺係d d 甜...大家只要細心小小去飲, 就好易分到出嚟...(一D都冇誇張...)再配合, 師傅仔響廚房強勁嘅<<我
今次要同大家講嘅係佢哋嘅早餐-蕃茄湯通粉同咖啡
蕃茄湯, 好多地方都有得食, 但佢哋嘅出品永遠冇失望, 湯身濃郁, 蕃茄味圓潤, 而且個酸, 甜, 咸味係非常之平衡, 仲有...加埋D肉丁帶D辣, 落單前可以叫師傅仔走咗佢...但唔建議, 因為食完D辣, 會提升味覺享受...再配上一大堆蔬菜...正
當然...並非冇嘢挑剔, D通粉好麻麻, 我覺得係通粉本質問題同因為一早預備, 所以好"林",好似食緊一團麵粉咁...
凍咖啡, 係由一位妙齡少女去調配, 有一次, 我偷望佢點整咖啡時...見到佢用(好似) 2種奶去blend 出嚟(睇唔清楚係咩奶), 所以呢度D咖啡, 有D同事覺得淡咗D, 但我反而覺得, 同星巴克latte比較, 多咗一份柔和...而且真係有層次 (sorry, 小弟做紅酒出身), 解釋比大家聽, 入口個感覺, 明顯feel 到咖啡嘅甘同奶嘅味, 包括有一種感覺係綿, 而另一感覺係d d 甜...大家只要細心小小去飲, 就好易分到出嚟...(一D都冇誇張...)
再配合, 師傅仔響廚房強勁嘅<<我是憤怒>> , 一清早, 立即醒神... 勁...即刻有衝勁去做嘢..., 呢個係一個亮點嚟GA..
餐廳環境一般, 去唔慣大牌檔, D人會覺得有D唔適應...但附近因為有有線起度...所以"經常"見到D新聞主播落嚟開餐...算係呢度嘅另一亮點...
Lunch 好多人, 同埋食蕃茄湯係配螺絲粉同脆皮腸, 都好好味, 但加埋凍咖啡, 要成差唔多50大元, 有D貴, 因為隔幾個檔口, 扒腸飯加可樂都係24, 仲要例湯任飲... 係呢個通脹加劇的情況下, 慳得一蚊得一蚊NA...
題外話/補充資料：
以前D櫈好坐D, 依家轉哂D枱櫈, 好迫, 同唔舒服...同埋出面門口D木條...好肉酸, 爛哂唔該整整佢...有D影響胃口...
(以上食評乃用戶個人意見 , 並不代表OpenRice之觀點。)
張貼