影片
更多
2014-10-03
924 瀏覽
做過飲食業既我深明15:00-17:00去食野食物質素同服務態度唔會好得去邊但估唔到差到咁完全提議你公司呢段時間不如拉閘或者掛返個《休息中》既牌喺門口話比客人知你落場唔想做生意喇 ------------------------------14:55到達客人不多，只有3枱約6位客人侍應安排我坐4人卡位座位係舒服既睇左餐牌2-3分鐘起初帶位既黑衫女侍應細心留意到我想落order亦好快咁行過來幫我落單但由我入門口到幫我落order都係全程木無表情兼講野冇尾音[-_-]Order左個「特製赤丸新味-硬麵」賣相好似唔錯食落完全係兩回事豬骨湯底濃度適中，唔會太濃太膩但飲多兩啖已經口渴要飲水蒜油略嫌唔夠香秘製味噌只係普通既辣味噌，冇咩特別Order硬面最可怕既事情發生左個麵係起骨架（即未熟透） 相片清楚見到每一條麵條既中間係比較實色, 左右兩邊較淺色相信大家喺屋企煮意粉或上海麵既時候有時見到麵條軟身都會心急撈一條出黎試下熟未當你咬開麵條既時候會發現係硬既而且橫切面中心係白色一點當時正正就係呢個情況仲要好大陣鹼水味我即時呆左 除Ippudo HK外點解有5間既Hataka Ippudo
深明15:00-17:00去食野
食物質素同服務態度唔會好得去邊
但估唔到差到咁
完全提議你公司呢段時間不如拉閘
或者掛返個《休息中》既牌喺門口
話比客人知你落場唔想做生意喇
------------------------------
14:55到達
客人不多，只有3枱約6位客人
侍應安排我坐4人卡位
座位係舒服既
睇左餐牌2-3分鐘
起初帶位既黑衫女侍應細心留意到我想落order
亦好快咁行過來幫我落單
但由我入門口到幫我落order
都係全程木無表情兼講野冇尾音[-_-]
Order左個「特製赤丸新味-硬麵」
賣相好似唔錯食落完全係兩回事
豬骨湯底濃度適中，唔會太濃太膩
但飲多兩啖已經口渴要飲水
蒜油略嫌唔夠香
秘製味噌只係普通既辣味噌，冇咩特別
Order硬面最可怕既事情發生左
個麵係起骨架（即未熟透）
相片清楚見到每一條麵條既中間係比較實色, 左右兩邊較淺色相信大家喺屋企煮意粉或上海麵既時候
有時見到麵條軟身都會心急撈一條出黎試下熟未
當你咬開麵條既時候會發現係硬既
而且橫切面中心係白色一點
當時正正就係呢個情況
仲要好大陣鹼水味
我即時呆左
除Ippudo HK外
點解有5間既Hataka Ippudo竟然煮到個生既兼且冇過水既麵我食架？
唔通落場時間真係唔應該去食野？
唯有將個麵盡量㩒落啲湯度
希望用湯既溫度浸淋佢
(雖然只能夠浸到啲麵發漲)
個麵繼續浸我唯有食餸
但繼續失望
①竹筍咬落"起骨"有渣
我係唔係食緊內地黑心食物［筷子竹筍］
②黑木耳咬落唔係淋咁簡單
而係唔知浸左喺熱水到幾耐
變左滑"珊珊"
③叉燒屬於五花腩
我最愛的腩肉，幻想應該好似扣肉般油脂甘香
而且有著淡淡既醬油香味
第一件係切成麻雀般大小
滿心歡喜放入口
但點解甜到咁架
用日本菜黎形容
應該係一個煮到蒸發晒水分就乾既sukiyaki
另外兩件係薄切叉燒
又點解會係冇味架
好難明呀..........[-_-]
可讚既係芽菜係新鮮爽口
而半熟蛋亦做到蛋黃呈啫喱狀
食左一半已經放棄了
實在冇心機去食生而浸到發漲既拉麵
突然聽到啲「撻撻」聲, 遠處有個紅衫女侍應行過
踢拖
我指既唔係木履, 係屋企果隻密頭拖鞋
點解可以著拖鞋咁唔專業架[-_-]
------------------------------
15:40
放底左筷子近30mins
冇一個侍應收野
朋友未到唯有繼續坐喺度等
等到悶將手擱喺枱講電話
突然「踢拖」紅衫女侍應拎住個放滿調味料既大長方形tray行近
我下意識望一望佢
女侍應冇講任何一句野, 將手上既tray一下隊埋我面前（冇錯，係隊！）
只差10cm就會撞落我面上
嚇到我即刻彈後
女侍應一句唔好意思都冇, 就伸手拎走喺我左手邊既辣芽菜
女侍應個表情仲要係「明知我收緊野就好遞埋比我喇」
佢拎完佢要既野, 唔該都冇聲就行左去我後面張枱收其他野
我嬲到即時開聲：「嘩，乜你咁冇禮貌架」
女侍應回頭望住我，跟住藐我囉！係個嘴抽筋果隻藐呀！
我唔係果啲要求多多既食客
又唔係門口排晒大隊一個人霸住張4人枱阻住你做生意
我只係星期日想搵個地方坐得舒服少少等一等朋友啫
點解？點解要咁對我
只想盡快離開既我即刻打電話比朋友睇佢去到邊
知佢去到置地我寧願落樓等佢
即刻起身埋單走人
當我喺洗手間洗緊手既同時
另一位著黑色衫既女侍應推門入黎
又個嘴抽筋地藐我喇！！！
野食係我喺落場時間去食，算喇
但這是甚麼服務態度
你咁唔想做向你老闆要求, 落場時間拉半閘或者掛個休息中既牌
食出名態度差既澳牛都冇你咁討厭
我係黎食麵．唔係黎受氣
題外話/補充資料：
希望Hataka Ippudo 可以向旗下侍應（特別女侍應）進行services 既再培訓
(以上食評乃用戶個人意見 , 並不代表OpenRice之觀點。)
張貼
