Aroma Truffle (已結業)

之前有個同事去新加坡旅行，帶左包黑松露薯片返黎比我地做手信，食完之後我搵左好耐，都搵唔返個包薯片，但依家竟然比我喺尖沙咀搵到佢啦!!!我試過其他所謂既黑松露薯片，但同呢個真係完全冇得比!!雖然佢份量唔算多，而$69一包其實都唔算平，但食落每塊都有濃郁黑松露味，我就覺得係物有所值。唔好好似其他黑松露薯片咁食曬成包都根本食唔出松露味。呢隻薯片一打開就聞到好濃黑松露味。黑松露鋪滿成塊薯片，食完之後aftertaste仲有好強烈嘅黑松露味停留喺口腔，食一小塊都有齒頰留香嘅感覺。