上海婆婆336 (荃新天地) (已結業)

今日，我哋一家四口去咗荃灣打保齡球，打完保齡球都成五點，我哋就諗住去食晚餐。我媽就叫我上開飯睇下有冇啲乜嘢上海菜食，我就見到有一間上海姥姥同埋上海婆婆。我哋就決定去荃新天地嘅上海婆婆食，我哋就叫咗蔥油餅，上海粗炒同埋上海炒年糕，小籠包，仲有香蕉紅豆高力。上海粗炒啲上海麵就比較硬，我自己就唔係太鍾意，但我爸媽都鍾意，上海炒年糕就好一般，因為嘅味道比較淡，但我媽媽加左豆瓣醬妮食，就話好好味。我妹就最鍾意食蔥油餅，我都覺得好好食呀，因為佢有好多葱同埋煎得好香脆。香蕉紅豆高力，係我最鍾意食嘅甜品。