影片
更多
2017-02-08
227 瀏覽
好耐無寫食評lu......因為試好多餐廳都唔好食,寫到唔想寫,見最近食到有間唔錯既就開返電腦寫下啦一向都鐘意食壽司,聽聞最近板長新出左唔同既海膽丼,今次就同班friend試試佢!!之前豉油街結業之後仲擔心要出尖沙咀先有得食,好彩最近o係西洋菜街開返間,仲要o係正百老匯戲院隔離,真係超方便.我見板長間間舖既設計都有d唔同,呢間用木為主,簡約既裝修,暖色加埋悠閒o既音樂,坐得幾舒服!!影緊相既時候朋友仔已經落晒單,轉眼已經有得食,正!!習慣食生野之前要食d熱野暖下個胃先,牛乳湯就最o岩!未打開見到個咁精緻o既碗已經加晒分,一啖飲落去暖笠笠,又香又滑,牛乳湯跣落喉嚨,我個胃準備好na.海膽丼非常吸睛,個個見到都嘩嘩聲!呢個咁靚仔既一定係相機先食啦!!上面o既料舖得好密,完全見唔到下層o既白飯,令我諗起去日本食既丼飯~ 不過之前o係香港中過太多伏,都係冷靜d先好……先試三色海膽丼,其實每次食海膽都有戰戰兢兢o既感覺,因為真係好易中伏,一唔覺意食左d有 “糞”味o既,真係成餐飯都唔駛食…好彩,呢個海膽三色丼不負眾望,外型得之外,味道都好得!!好耐無食過咁鮮味既海膽~~心心眼心心咀出晒黎!仲有粒
之前豉油街結業之後仲擔心要出尖沙咀先有得食,好彩最近o係西洋菜街開返間,仲要o係正百老匯戲院隔離,真係超方便.
我見板長間間舖既設計都有d唔同,呢間用木為主,簡約既裝修,暖色加埋悠閒o既音樂,坐得幾舒服!!
影緊相既時候朋友仔已經落晒單,轉眼已經有得食,正!!習慣食生野之前要食d熱野暖下個胃先,牛乳湯就最o岩!未打開見到個咁精緻o既碗已經加晒分,一啖飲落去暖笠笠,又香又滑,牛乳湯跣落喉嚨,我個胃準備好na.
海膽丼非常吸睛,個個見到都嘩嘩聲!呢個咁靚仔既一定係相機先食啦!!上面o既料舖得好密,完全見唔到下層o既白飯,令我諗起去日本食既丼飯~ 不過之前o係香港中過太多伏,都係冷靜d先好……
先試三色海膽丼,其實每次食海膽都有戰戰兢兢o既感覺,因為真係好易中伏,一唔覺意食左d有 “糞”味o既,真係成餐飯都唔駛食…好彩,呢個海膽三色丼不負眾望,外型得之外,味道都好得!!好耐無食過咁鮮味既海膽~~心心眼心心咀出晒黎!仲有粒粒飽滿既魚子,又圓又精瑩通透,真係引死人!仲有松葉蟹腳食,雖然幼d,不過都幾鮮甜~~再黎試個北海刺身丼,呢個丼真係不得了!非常豐富!!有拖羅,海膽,油甘魚,三文魚,珍寶赤蝦...!!!拖羅大大塊,我cut開佢食半塊都已經覺得好正,魚油豐富,入口即溶,香港好多餐廳食拖羅都唔係o個回事,今次呢個真係食到日本既味道!!碗內出現既刺身其實都好好食,但我最愛既都係海膽同拖羅~~個個爭住食!呢個價錢大大碗又好味真係抵抵抵……….!!!!(見到隔離枱叫左碗全 “膽” 丼(極盛海膽丼),成碗都舖滿海膽,好吸引~~~可惜已經叫左好多野食,惟有下次先再試…
清酒煮蜆係如常必食,酒香加埋鮮甜o既蜆肉,每次都忍唔要飲埋個湯先夠皮!再黎食下至愛既火灸鰻魚同鵝肝.鰻魚又係好少食到好食,呢間店做得唔錯,上枱時微暖,魚肉夠厚身,魚皮火灸後有微微焦香,甜甜既鰻魚汁沾上碟邊小小鹽,吊起鰻味~~yummy~~ 相比下鵝肝就比較迅色,雖然夠晒大件,但係一上台就覺得油油的,咬開就更多油~相信灸耐d會香脆好多~~另外仲有碟炸軟殼蟹,外層炸得唔夠鬆,d粉會痴住隻蟹同埋唔知點解比較淡味~~
我地仲食左好多唔同既刺身壽司,唔特別介紹lu~最後叫左必食既厚燒玉子(溫),每次都叫黎當甜品,唔會好似出邊o個d扁撻撻,保持一貫水準!跟住朋友突然叫多客甜薯,試左原來都幾好食,但如果有熱既會更好.
另外一提既係呢度有兩格洗手間,都幾寬敞企理,而且有好多卡位,坐得舒服,都係同班姊妹聚腳既好選擇!今次真係食到好飽,下次再戰個全膽丼!!
食飽幾開心~
門口個姐姐幾好笑容~
張貼
