臺北棧 (荷李活道) (已結業)

中環荷李活道餐廳唔多亦唔少選擇，一到晚上附近冇乜地方行街，都可以咁長人龍，好奇都會想知餐廳食咩野🤔. 門口幾低調，入面偏向酒吧嘅黑，幾有氣氛🌟一間台灣酒吧餐廳。. 3個唔大食嘅人嚟，鍾意佢d嘢食細細份，又唔貴，可以試多幾款。. 櫻花蝦芋泥蒸茄子鍾意食涼拌🍆茄子，好多時出街食嘅都已經浸到稔曬，呢度嘅涼拌茄子依然做到半稔半爽口，而且一向容易吸取醬汁同油分嘅茄子，將呢個微甜濃郁嘅醬汁精華完全吸收，咬落口，最佳嘅滋味爆發😍. 台灣a菜又即係我哋油麥菜，唔同嘅係佢係菜上仲放咗啲魯肉，半肥瘦豬肉，脂肪嘅油份滲透咗入菜中，更加香口。. 滷肉飯 正正常常嘅滷肉飯，唔係什麼fusion菜，所以覺得好難會有驚喜。上枱嘅時候，正常一碗飯有隻溏心蛋，溏心蛋煮到蛋黃係流心，食落口魯肉嘅醬汁係精華， 望落好似好唔夠，配埋飯一齊食啱啱好，太多醬汁的話成個飯就會變咸，大力推薦👍👍. 叫左杯Cocktail-周董。個名好搞笑，如果佢唔講，完全唔知係咩😂其實係茶加蜜糖加酒。對我嚟講，酒味實在太濃，但又無蓋過茶味，第一啖飲甜甜地，極match。