板長壽司 (東角Laforet) (已結業)

成日聽人講板長high過板前，唔知係咪咁所以d waiter 都high啲，叫極唔應又當看睇你唔到，d碟又污糟，仲竟然有2粒小小蒼蠅快樂地在你面前飛來飛去。叫左4次2個人加水，結果.....1個鐘內只加了一次，夠鐘收工有waiter唔聲唔聲咁埋來收左盒酸羌，然後「盡責地」擺番一碟用豉油碟裝的酸羌，可惜，有半片dum左落枱面，叫人唔敢再食。最離譜係有3位金髮遊客慕名而來，想一試這間用50萬買鮪魚的鋪頭，想要enjoy一番，但bar枱前的壽司司傅大大聲叫d waiter攞野「俾班鬼佬」，冇禮貌至極，人地倒潟左杯水完全齌望唔俾紙巾唔俾布，咁既服務，身為香港人的我都感到慚愧.......至於味道方面，同板前一模一樣，可能貨源一樣吧，價錢也差不多，唯一比板前好的是大部份壽司可以單叫，不一定一叫2件，不過我絕對唔會再去，都係去板前等多陣，那裏的人工作認真多了!