Lockeroom Express (已結業)

半隻波士頓龍蝦配鮮蕃茄汁意大利天使麵，波士頓龍蝦表面鋪有沙律醬，肉質爽口，味道鮮甜；鮮蕃茄汁意大利天使麵容易掛汁，味道酸甜，內有大量蕃茄肉、彩椒、洋蔥、香草，天使麵口感煙韌。鮮牛油梨醬鮑魚芝士腸意大利扁麵，磯煮鮑魚肉質彈牙，食落鮮味十足；芝士腸份量多；內有大量彩椒、洋蔥、蘑菇、啡菇；鮮牛油梨醬口感Creamy，味道清新，扁意粉口感軟硬適中。4件鹹蛋黃雞翼，即叫即炸，熱辣辣到差D燙親脷，肉汁飽滿，肉味濃厚，表面鋪滿咸蛋黃蓉、香蔥，味道咸香。4件水牛城雞翼，味道正宗、酸辣，食落好惹味。是日餐湯，黑松露雜菌湯，可以自行無限添加，超級足料，黑松露味道濃香，每一羮都有滿滿的雜菌，菌粒有大粒、小粒，口感豐富。凍鮮水果紅茶，內有香橙、蘋果、青檸，味道清甜，茶味濃厚。檸檬雜飲，味道酸溜，飲落好清爽。