串酒里 (已結業)

夜麻麻同個frd喺街食咩好？梗係嘆下串燒加啤酒啦！上網睇串酒里唔錯就黎左了～一黎唔好講咁多黎枝啤酒啤啤佢先🍻黎支蜜桃菜頭酒先！飲落去有好多層次，蜜桃既甜，又有啤酒本身既酸同苦🍺下酒菜：雞泡魚乾🐡好香口又唔會太乾，真係最岩要黎送啤酒！我每次食串燒必嗌既燒牛舌！呢度既牛舌係好厚身嗰隻，好juicy！呢個係我另一樣食串燒必嗌既野：燒韮菜！呢度睇度睇火候睇得唔錯，啲韮菜由頭到尾都保持到濕潤！呢個雞翼皮脆餡嫩帶微甜，又係送酒一流！又係我呢個海鮮狂最愛既野！都燒既唔錯，仲嫩口！呢個茄子好惹味，同埋都好大份下😆呢舊豬扒帶點肥膏，入口有油香唔會話好乾爭爭，而瘦肉本身亦唔柴，好balance！最最好食就係呢個黑松露薯條🍟個黑松露醬味好濃，配上熱辣辣脆卜卜既薯條簡直係一絕！！！強烈推介大家嗌！！一路飲酒食野一路同朋友吹水真係不亦樂乎呢。