官仔記 (已結業)

依幾年雞煲已經成為左香港普及飲食文化之一，我前後都食過十間八間，而官仔記係我心中排行榜第一位！無論在價錢同味道都係第一，暫時冇人能及，我一個月都要食一兩次先可以！"官仔香辣雞煲"$78,半隻份量已經非常之多，所有雞啲肉都爆香過，亦保持到嫩滑，而我最鐘意係佢個汁，有少少像湯，但非常濃郁同質地有少少杰杰哋！用佢個"炸響鈴"$28放落佢依個汁，外面沾滿佢濃郁嘅雞煲汁，而裡面亦保持到響鈴鬆化香脆的感覺，就算一個人食曬成碟都冇問題！"醉中蝦"$48,酒味濃郁，蝦肉亦十分新鮮！"極上安格斯肥牛"$78,半份大約有十片左右，顏色同脂肪分佈細緻，肉質非常之淋，好夠牛肉味，係外面二百元以上的貨色！"脆鯇魚片"$38,肉質新鮮彈牙，份量亦不少！"娃娃菜"$28，質素好份量亦多！除火鍋之外，佢仲有燒烤，味道亦十分唔錯"燒韭菜"$12,非惹味"惹味蒜蓉生燒茄子"$28,茄子非常大條，上面鋪滿大量蒜蓉，唔會燒到太乾，同埋唔會一味死辣！"凍柚子蜜"$15,好飲又大杯，配火鍋真係啱哂！個汁咁正，最尾忍唔住叫個"出前一丁"$18有兩包，個麵吸曬啲汁，真係你要食過先可以形容到！其實我真係唔係好想介紹依間好嘢比人，我仲要