方叔叔重慶老火鍋 (聚賢逸居) (已結業)

我哋兩個打邊爐愛好者，真係一年365都會想食，最近個人口淡淡，想刺激下味蕾😄今日order咗鴛鴦湯底，普通辣拼皮蛋香菜湯，湯底好正，普通辣已經好勁😆麻香十足，大大條芫荽嘅湯底好清新，皮蛋份量仲好足添！打邊爐一定要食時令食材，今次係小水母（即係海蜇）和鮮活海蟶，水母嘅形狀好得意，半透明，滾1分鐘就食得，質感有少少似蒟蒻，爽口彈牙。海蟶無沙，好乾淨，隻隻飽滿，入口新鮮甘甜，必食食材！呢度所有嘅火鍋材料都可以order半份，或者一份，對我哋兩個人嚟食，就可以食多啲款式。今次其他新鮮食材仲有: 鮮鵝腸、嫩牛肉、乾貢菜、白鱔片、串鮮蝦、鮮魚膘、韭菜豬肉水餃、大刀筍片、鮮腐竹、萵筍條、淮山條、皇帝菜、桂花蚌、油條款款都好新鮮，唔會有雪藏味🫶🏻特別一提: lunch hour係免湯底🙌🏻CP值超高。