芽莊越式料理 (已結業)

呢度上年哈囉喂裝修，所以我哋冇去到食飯。今年再嚟，格局舒服咗好多，好似灣仔嗰間咁！而且餐牌都唔同咗，之前呢間少嘢食啲架，而家同灣仔一樣！咁以後都係去呢間好喇，因為呢間煮得好味啲架，最差係尖咀嗰間！我哋今次叫咗順化蔗蝦($58)、順化牛肉湯粉($45)、椰青扣腩肉($89)同蒜香飯($15)。先嚟順化牛肉湯粉，以$45價錢喺Soho區食嘢，呢碗粉叫做不過不失，佢唔係難食，但絕對唔會令你覺得好正！我同老公都唔太好牛展，所以反而對順化牛有啲失望……隔咗好耐，先再上順化蔗蝦，啲蝦雖然冇咩蝦味，但口感唔錯，配上花生醬食又得，配呢度嘅魚露亦得！花生醬甜甜哋，但又唔怕好似出面其他餐廳咁甜到漏，甜得嚟好特別，令人好想再點多啲嚟食！至於魚露更正！點少少已經好開胃！呢度嘅魚露真係其他餐廳冇得比架，係我同老公嘅至愛！最後上埋椰青扣腩肉，我哋亦再order多一碗蒜香飯。呢度嘅蒜香飯又係好正，$15都覺得抵！啲飯每一粒都有蒜香，唔會太硬，又唔怕太濕，就係啱啱好！呢碗飯整得好味過好多所謂嘅「馳名海南雞飯」啦！講番個扣腩肉，係就係肥啲，不過我一向好鍾意食肥膏架！所以唔怕！啲肥膏唔似得一般出名嘅東坡肉咁溶於口中，但就