影片
更多
2008-04-23
7 瀏覽
謝過OpenRice的邀請, 小弟能夠免費品嚐到這個豪嘆和牛試食團. 叫得豪嘆, 個筆直係相當之高, 一人一千大洋, 當然吃的也係比較名貴的菜色. 平日真的比較小機會吃到這些是晚的菜色, 真係見識下都好.環境係幾好的, 位於商業大廈內的. 是晚雖然有雨, 也不影響大家聚首一堂. 店方安排了我們坐係房內, 自成一角. 南瓜兄帶來了清酒, 在此再謝過, 係這個情況下飲飲酒, 吃吃肉, 確係嘗心樂事.是晚的十人前特選餐單係相當之豐富. 包括有以下食物:和幸沙律: 7分, 未開始吃肉先來兩客沙律, 和幸沙律一人一件, 外型像壽司一般, 切得薄薄的蘿蔔做皮, 入面有芒果, 蝦同埋明太子, 個沙律汁實在係相當之搶味, 酸酸的, 加上蘿蔔的味道, 其實係掩蓋了其他食材的味道. 配搭係幾特別的, 但係加埋一齊的效果又好像麻麻地.野菜沙律: 8分, 這個野菜沙律就係最大路的沙律, 有洋蔥, 生菜, 車厘茄, 同埋粟米. 材料新鮮, 清清的, 正好先讓舌頭感受一下蔬菜的味道再進入肉的世界.佐賀和牛刺身: 8分, 首先開始吃的肉係A5級佐賀和牛刺身, 散叫的價錢係$280一客. 店方介紹時提醒我們要把件牛放
環境係幾好的, 位於商業大廈內的. 是晚雖然有雨, 也不影響大家聚首一堂. 店方安排了我們坐係房內, 自成一角. 南瓜兄帶來了清酒, 在此再謝過, 係這個情況下飲飲酒, 吃吃肉, 確係嘗心樂事.
是晚的十人前特選餐單係相當之豐富. 包括有以下食物:
和幸沙律: 7分, 未開始吃肉先來兩客沙律, 和幸沙律一人一件, 外型像壽司一般, 切得薄薄的蘿蔔做皮, 入面有芒果, 蝦同埋明太子, 個沙律汁實在係相當之搶味, 酸酸的, 加上蘿蔔的味道, 其實係掩蓋了其他食材的味道. 配搭係幾特別的, 但係加埋一齊的效果又好像麻麻地.
野菜沙律: 8分, 這個野菜沙律就係最大路的沙律, 有洋蔥, 生菜, 車厘茄, 同埋粟米. 材料新鮮, 清清的, 正好先讓舌頭感受一下蔬菜的味道再進入肉的世界.
佐賀和牛刺身: 8分, 首先開始吃的肉係A5級佐賀和牛刺身, 散叫的價錢係$280一客. 店方介紹時提醒我們要把件牛放入口慢慢溶化, 感受那份肉味. 賣相同色澤其實沒有想像中的靚, 吃落口就委實不太懂得去感受甚麼溶化感覺, 其中一片還有小小渣. 肉質都算靚的, 但或者小弟真的不懂得去吃生牛, 但總覺得熟的係比刺身更加有油脂香同肉味.
一口黑蜜糖佐賀和牛: 9分, 一客三件要$58的一口黑蜜糖佐賀和牛賣相係好吸引, 黑蜜糖的甜味同埋洋蔥為件和牛的味道添上層次, 面頭的金箔令到個構圖更加漂亮, 無論賣相同味道都係有水準.
燒物盛皿: 原件佐賀和牛肉眼: 9分, 第一樣要燒的就係肉眼, 平日吃要$330一客. 始終比較喜歡燒過的和牛, 吃落口油香係相當之豐富的, 脂肪更加係精彩的部份, 燒過後肥美可口.
厚切上等牛舌: 9分, 跟住來的係厚切牛舌, 只選了牛舌的中心位置, 燒過後肉汁豐富, 始終燒牛舌, 也係以厚切較為合適.
特選黑毛和牛: 9分, 吃過日本的和牛, 也有機會去吃澳洲的M9級黑毛和牛, 肉質比起厚切的佐賀和牛肉眼較為之嫩滑, 係兩種不同的感覺. 或者這樣說, 厚切肉眼係比較硬野的感覺, 黑毛和牛係比較輕的感覺. 坦白講, 喜歡吃牛的, 應該也會喜歡這兩客和牛.
秘製燒汁牛肋骨: 8分, 平日吃開的都係韓烤的牛肋骨, 這個秘製燒汁牛肋骨用了美國牛, 個秘製燒汁偏甜, 肉質當然沒有和牛般嫩滑.
伊達赤豚: 8分, 吃完牛之後還有豚肉. 這客日本豚肉切得薄薄的, 當然豬肉的油羔係比較多的, 燒起來係香噴噴的, 肥瘦比例合適. 不過我們那邊的豬肉係燒焦了, 吃落口肉味還覺不錯的, 但係吃豚肉始終不能也不敢燒得太生, 但稍一過火又會燒焦了, 對玩燒肉沒有學問的, 還是吃烤牛肉比較實際.
伊勢海老: 6分, 是晚話明係豪食的, 當然係吃得比較豪華, 龍蝦自然要出場. 一大隻龍蝦給我們五個人去分吃, 見隻龍蝦也有不少羔的, 賣相係幾靚的. 既然係大海老, 都用了相當長的時間去烤, 不知是否我們不太懂得去烤, 出來的味道係麻麻地, 無乜鮮味, 肉也不夠嫩滑, 當然, 最直接的原因係烤得過了火位, 吃落口係乾乾的. 坦白講, 這樣去烤龍蝦, 似乎係浪費了隻龍蝦.
阿拉斯加蟹爪: 6分, 跟著就係烤蟹腳, 當然蟹腳本身已煮熟了, 也不用烤得太久,但只係微微地加熱, 溫溫吞吞的, 也係一個問題. 我們那邊選擇了比較長的燒烤時間, 結果都係烤得乾乾的, 加上無乜鮮味, 也係麻麻. 說到底, 這方法去吃蟹腳似乎不太合適.
牛油帆立貝: 6分, 用上清酒去煮, 不過清酒的效果不太明顯. 一人只分吃了一小片帆立貝, 也係無乜鮮味. 似乎這三項海鮮類的食物都係不太有鮮味, 比起肉的水準有一段不短的距離.
野菜盛合: 8分, 還記得上次一眾頌揚人吃燒烤時為了個野菜盛合搞了一大輪. 是晚的火力比較強, 不用等得太久就燒好了. 小弟比較喜歡粟米, 也覺得粟米係比較適合去烤的.
鵝肝海膽石燒飯: 7分, 又加拿大海膽, 又法國鵝肝, 都相當之大堆頭, 不過效果又只係一般. 小弟那碗實在太多飯焦, 應該話係啖啖飯焦,口感已經被飯焦搶去了. 至於鵝肝海膽這個配搭似乎係不太匹配, 海膽基本上係被鵝肝的味道掩蓋了, 這個做法, 又係一個浪費. 鵝肝, 還是喜歡煎的再跟上蘋果去吃, 現在鵝肝加上飯焦的吃法係比較重.
綠茶燒伴草莓: 9分, 等了相當長的時間先有得食甜品, 但見那時其實無乜其他食客, 係製作實在需時? 綠茶燒即係綠茶焦糖燉蛋, 夠滑, 綠茶味好出, 係相當之清新, 剛吃完濃濃的鵝肝飯, 這個燉蛋正好中和一下味蕾.
自家製燒芝士餅: 10分, 全晚最喜歡的係這個甜品, 還看到這裡的你, 是否覺得小弟有點混吉, 一眾名貴的食物也不夠這個芝士餅? 這個自家製燒芝士餅, 係真的要自家製, 同吃其他烤物一樣放係爐到燒, 當然, 這個芝士餅並不是甚麼矜貴的和牛或者海鮮, 但係烤過的芝士餅係相當之香口, 外面微脆, 入面仍然鬆軟, 跟焗蛋糕的質感係有分別的.
整體食物係水準之上的, 不過吃海鮮, 還是不要吃燒烤的好了, 又或者起碼不要自己去烤, 海鮮燒烤, 同埋鵝肝海膽都不是好的配合. 當然, 如果自己吃烤肉的話, 都係以肉類為主的, 是晚就當係一個經驗好了. 服務當然係好好, 沒有挑剔的地方. 單單計吃烤肉, 這裡的水準係不錯的.
最後, 再一次謝過OpenRice的安排及邀請.
張貼
