影片
更多
2012-09-07
90 瀏覽
偶然見到呢度嘅食評，寫得好吸引，馬上叫男友打嚟訂位，結果要成兩個星期後先有位。再三翻查openrice 上嘅食評，都係有讚無彈。但實情係。。。叫咗幾樣招牌菜，首先嚟冰鎮瀨尿蝦，酒味香又濃，味道是一流，可惜蝦肉梅梅地，因為第一次食呢個菜，以為酒浸得耐，就會係咁。點知再翻睇其他食評。佢地話爽甜架喎，先知我地蝶瀨尿蝦真係唔新鮮。之後再嚟焗魚腸，面頭焗到脆脆哋，加埋強勁黑椒味，唔覺魚腥，蛋又好香，配合好好，如果唔係咁多油，就真係完美。因為得兩條友，叫唔到成隻糯米雞，所以叫咗糯米釀雞翼。雞翼件頭好大，炸到皮脆肉嫰，非常香口。最難得裏面嘅糯米亦做得非常出色，乾身好味。仲叫咗自家製叉燒，面頭幾舊似豬頸肉嘅就幾好味，下面嗰啲同煲 湯豬肉差唔多，無乜味夾又鞋口，仲佔成蝶二份一有多。成晚最好味嘅松茸魚湯娃娃菜，松茸比較少食，覺得味道好獨特，菜亦甜美。其實我最想講嘅係，無論你係私房菜定係小販檔，幾＂隱世＂都好，出黎做生意，梗係要明碼實價，但我地食咗成晩，我都唔知啲野幾多錢。剩係知個五樣嘢埋單$438。一來無餐牌，二來牆上無貼住，三來埋單亦無單，真係有無加一都唔知。唔係話你係黑店想呃人，但你列明清楚係張單度，
偶然見到呢度嘅食評，寫得好吸引，馬上叫男友打嚟訂位，結果要成兩個星期後先有位。再三翻查openrice 上嘅食評，都係有讚無彈。但實情係。。。
叫咗幾樣招牌菜，首先嚟冰鎮瀨尿蝦，酒味香又濃，味道是一流，可惜蝦肉梅梅地，因為第一次食呢個菜，以為酒浸得耐，就會係咁。點知再翻睇其他食評。佢地話爽甜架喎，先知我地蝶瀨尿蝦真係唔新鮮。
之後再嚟焗魚腸，面頭焗到脆脆哋，加埋強勁黑椒味，唔覺魚腥，蛋又好香，配合好好，如果唔係咁多油，就真係完美。
因為得兩條友，叫唔到成隻糯米雞，所以叫咗糯米釀雞翼。雞翼件頭好大，炸到皮脆肉嫰，非常香口。最難得裏面嘅糯米亦做得非常出色，乾身好味。
仲叫咗自家製叉燒，面頭幾舊似豬頸肉嘅就幾好味，下面嗰啲同煲 湯豬肉差唔多，無乜味夾又鞋口，仲佔成蝶二份一有多。
成晚最好味嘅松茸魚湯娃娃菜，松茸比較少食，覺得味道好獨特，菜亦甜美。
其實我最想講嘅係，無論你係私房菜定係小販檔，幾＂隱世＂都好，出黎做生意，梗係要明碼實價，但我地食咗成晩，我都唔知啲野幾多錢。剩係知個五樣嘢埋單$438。一來無餐牌，二來牆上無貼住，三來埋單亦無單，真係有無加一都唔知。唔係話你係黑店想呃人，但你列明清楚係張單度，做客嘅都可以check下你有無計錯吖。呢方面，有極大改善空間。張貼
